by
नागपूर/प्रतिनिधी:
चंद्रपूर शहरालगत मुल मार्गावर लोहारा गावाजवळ भरधाव वाहनाने दिलेल्या धडकेत जखमी झालेल्या मादी बिबट्याचा मंगळवारी दुपारी उपचारादरम्यान मृत्यू झाला .अपघातानंतर उपचारासाठी त्याला गोरेवाडा प्राणी बचाव केंद्रात आणले होते. तब्बल दोन महिन्यांच्या उपचारानंतरही या बिबट्याची किडनी काम करत नसल्याने बिबट्या मृत्यु झाला. बिबट्याला 16 मे रोजी गोरेवाड्यात आणले होते. प्राथमिक तपासणीत बिबट्याचा मागील उजवा पाय तुटला होता समोरच्या पायाला देखील मोठी जखम झाली होती . त्यावर शस्त्रक्रिया देखील करण्यात आली त्याच्या पायात रॉड टाकण्या संदर्भात विचार सुरू होता. पशुवैद्यकीय अधिकारी डॉक्टर भाग्यश्री शेंडे यांच्या मार्गदर्शनात त्यावर उपचार सुरू होते. मात्र त्याच्या किडनी निकामी झाल्यावर त्या त्यामुळे उपचाराला प्रतिसाद मिळाला नाही मंगळवारी दुपारी 4 च्या सुमारास बिबट्याचा मृत्यू झाला. पशुवैद्यकीय अधिकारी डॉक्टर शिरीष उपाध्ये डॉक्टर विनोद धूत,भाग्यश्री शेंडे यांच्या उपस्थितीत डॉक्टर सोनकुसरे यांनी शवविच्छेदन केले. त्यानंतर गोरेवाडा उपविभागीय व्यवस्थापकांच्या उपस्थितीत त्यांच्यावर अंत्यसंस्कार करण्यात आले यावेळी सहाय्यक वनरक्षक वनपाल माडभुशी,वनपाल चव्हाण,वनरक्षक जाधव,वाघाडे आदी उपस्थित होते.
