परळी ,शहरातील देशमुखपार भागात उभ्या केलेल्या स्कार्पिओ गाडीच्या डाव्या बाजूच्या काचा फोडून गाडीत ठेवलेली बॅग अज्ञात चोरट्याने चोरून नेली ही घटना दि 27 नोव्हेंबर रोजी दुपारी घडली , या बॅग मध्ये पावणे तीन लाख रुपयाची रोकड होती तसेच बँकेचे चेक बुक होते.
या चोरी प्रकरणी संजय किसनराव देशमुख यांनी दिनांक 28 नोव्हेंबर रोजी परळी शहर पोलिस ठाण्यात फिर्याद दाखल केली आहे .त्यावरून अज्ञात चोरट्याविरुद्ध चोरीचा गुन्हा दाखल करण्यात आला आहे त्या प्रकरणाचा तपास परळी शहर पोलीस ठाण्याचे पोलीस निरीक्षक देविदास शेळके यांच्या मार्गदर्शनाखाली सहाय्यक पोलीस निरीक्षक श्रीकांत डोंगरे ते करीत आहेत. परळीत गेल्या काही महिन्यात बॅग चोरी च्या घटना वाढल्या आहेत, आंबाजोगाईरोडवर घडलेल्या बॅग चोरीचा तपास अद्याप लागला नाही. या शिवाय इतर बॅग चोरी घटनेचा तपास लागला नाही.
