सत्ताधारी भाजप सरकार बसणार उपोषणाला

चंद्रपूर/प्रतिनिधी:

 सोमवारी केंद्र सरकारच्या विरोधात कॉंग्रेसने देशभर एक दिवसाचा उपवास कार्यक्रम ठेवल्यानंतर आता सत्तेत असणारे मोदी सरकार विरोधकांसाठी एकदिवसीय उपवास कार्यक्रम ठेवणार आहे. 

संसदेत  विरोधक गदारोळ घालून सातत्याने कोंडी करत असल्याचा निषेध करण्यासाठी खुद्द पंतप्रधान नरेंद्र मोदी याचे सह भाजपचे सर्व खासदार  १२ एप्रिल रोजी काॅंग्रेसच्या राष्ट्रविरोधी भुमिकेचा निषेध नोंदविण्यासाठी उपवास उपोषण करणार आहे. हाच कार्यक्रम  चंद्रपूर येथे केंद्रीय गृह राज्यमंत्री हंसराज अहीर यांच्या नेतृत्वात चंद्रपुरात एकदिवसीय ‘‘सामुहिक उपवास’’ उपोषण करणार आहे. 

पंतप्रधान नरेंद्र मोदी व भाजपा अध्यक्ष अमित शाह नवी दिल्लीत एक दिवस उपोषण करणार आहेत.

विरोधकांच्या गोंधळामुळे संसदेच्या अर्थसंकल्पीय अधिवेशनाचे कामकाजाचे बहुतांश दिवस वाया गेले. ही बाब देशातील जनतेपुढे नेण्यासाठी तसेच कॉंग्रेस व अन्य विरोधी पक्षांकडून घातल्या जाणाऱ्या गदारोळाचा विरोध करण्यासाठीच हे उपोषण असल्याचे संगीतल्या जात आहे. 

 12 एप्रिल 2018 रोजी गांधी चौक  चंद्रपूर येथे सकाळी 10.00 ते सायं. 5.00 वाजेपर्यंत हा सामुहिक उपवास कार्यक्रम होत असून या कार्यक्रमास राज्याचे वित्त, नियोजन व वने मंत्री  तथा पालकमंत्राी चंद्रपूर जिल्हा

ना. सुधीरभाऊ मुनगंटीवार, राज्य वनविकास महामंडळाचे अध्यक्ष चंदनसिंह चंदेल, चंद्रपूर विधानसभेचे आमदार नानाभाऊ शामकुळे, जि.प. अध्यक्ष देवराव भोंगळे, जिल्हाध्यक्ष हरिश शर्मा, राजुरा विधानसभेचे आमदार अॅड. संजय धोटे, वणी विधानसभा क्षेत्राचे आमदार संजीवरेड्डी बोदकुरवार, आर्णी विधासभा क्षेत्राचे आमदार राजू तोडसाम, भाजपा ज्येष्ठ नेते विजय राऊत, महापौर सौ. अंजली घोटेकर, उपमहापौर अनिल फुलझेले आदी मान्यवरांच्या उपस्थितीत होत असलेल्या या एकदिवसीय उपवास कार्यक्रमास भाजपाचे जिल्हा

परिषद, पं.स. सभापती, मनपा सभापती, नगरपरिषद सभापती, जि.प. सदस्य, चंद्रपूर लोकसभा क्षेत्रातील नगराध्यक्ष, नगरसेवक, भाजपा पदाधिकारी, कार्यकर्ते व बहुसंख्य नागरिक या उपवास कार्यक्रमात सहभागी होत आहेत. या कार्यक्रमास बहुसंख्येने उपस्थित राहावे असे आवाहन भाजपाच्या वतीने करण्यात आले आहे.

বিস্তারিত পড়ুন

वर्धा पॉवर समोर उपोषण करणाऱ्या 7 कामगारांची प्रकृती चिंताजनक

चंद्रपूर/प्रतिनिधी: (ललीत लांजेवार)

प्रहार जनशक्ती पक्षाच्या नेतृत्वात वरोरा येथे वर्धा पॉवर कंपनी विरोधात साखळी उपोषणाला बसलेल्या सात कामगारांची प्रकृतीत चिंताजनक असल्याची बाब पुढे आली आहे

तीन महिन्यांपूर्वी दीडशे कामगारांना कुठलीही पूर्व सूचना न देता कामावरून कमी केल्याने कामगारांनी न्यायासाठी शासकीय स्तरावर पाठपुरावा केला. मात्र, कुठलाही तोडगा निघाला नसल्याने मंगळवारपासून कामगारांनी प्रहार जनशक्ती पक्षाच्या नेतृत्वात साखळी उपोषणाला सुरूवात केली आहे .

या उपोषणात ऐकून ४७ कामगार उपोषणाला बसले होते.त्यापैकी जवळपास ७ कामगारांची परिस्थिती चिंताजनक असल्याचे सांगण्यात येत आहे. त्यामुळे कामगार वर्गात अत्यंत रोष निर्माण झालेला आहे.
या सात कामगारांपैकी उपोषणात आणखीही बरेचशे कामगार उपोषणाला बसले असून हा प्रकृती गंभीर असलेल्या उपोषण कर्त्यांचा आकड़ा वाढण्याचे सांगण्यात येत आहे.

कुठलीही पूर्वसूचना न देता वर्धा पॉवर जनरेशन या वरोरा एमआयडीसी मधील कंपनीने १५० स्थानिक कामगारांना कामावरून कमी केले. कामगार आयुक्त यांनी ‘तारीख पे तारीख’ देत समेटाची कारवाई केलीच नाही आणि कंपनी प्रशासनही कामावर घेण्यास नकार देत आहे. त्यामुळे मंगळवारपासून या साखळी उपोषणाला सुरूवात केली होती

तीन दिवस उलटूनही यातून कोणताच मार्ग निघाला नसल्याने हे आंदोलन सुरूच ठेवण्याचा विचार उपोषणकर्त्यांनी घेतला त्यात त्यांची प्रकृती चिंताजनक झाल्याचे सांगण्यात येत आहे.

বিস্তারিত পড়ুন

वर्धा पॉवर कंपनीविरूद्ध कामगारांचे उपोषण

वरोरा : तीन महिन्यांपूर्वी दीडशे कामगारांना कुठलीही पूर्व सूचना न देता कामावरून कमी केल्याने कामगारांनी न्यायासाठी शासकीय स्तरावर पाठपुरावा केला. मात्र, कुठलाही तोडगा निघाला नसल्याने मंगळवारपासून कामगारांनी प्रहार जनशक्ती पक्षाच्या नेतृत्वात साखळी उपोषणाला सुरूवात केली आहे .
कुठलीही पूर्वसूचना न देता वर्धा पॉवर जनरेशन या वरोरा एमआयडीसी मधील कंपनीने १५० स्थानिक कामगारांना कामावरून कमी केले. कामगार आयुक्त यांनी ‘तारीख पे तारीख’ देत समेटाची कारवाई केलीच नाही आणि कंपनी प्रशासनही कामावर घेण्यास नकार देत आहे. त्यामुळे साखळी उपोषणाला सुरूवात केली असून या आंदोलनात बाळकृष्ण जुवार, अमोल डुकरे, अशोक चिकटे, शामसुंदर ताजने, नितीन नांदे, विनोद जरीले, अतुल कुकडकर, प्रशांत बदकी, सतीश नगरकर, मंगेश समर्थ, गजानन देठे, आशिष ढवस, संजय सादनकर, चतुरकर, विठ्ठल डाखरे, विठ्ठल बोधे आदींचा सहभाग आहे.

বিস্তারিত পড়ুন