by
चंद्रपुर/प्रतिनिधी:
बाबूपेठ येथील राहुल चिंचवलकर हा पोलिस मुख्यालयात कार्यरत होता. सुमारे दीड महिन्याअगोदर राहुल चिंचवलकर याची धरणावर नियुक्ती केली गेली. यावेळी कर्तव्यावर असताना चिंचवलकर यांच्याकडील काही राऊंड हरविले. या प्रकरणाची गंभीरतेने दखल घेत वरिष्ठ अधिकाऱ्यांनी निलंबनाची कारवाई केली. राहुल चिंचवलकर हे मागील काही दिवसांपासून मानसिक तणावात होते. या तणावातून आज दुपारच्या सुमारास रामाळा तलावात आत्महत्या करून जीवन संपविले. पुढील तपास रामनगर पोलीस करीत आहे.
