नवरगाव/प्रतिनिधी:
सिंदेवाही मार्गावरील लाडबोरी गावाजवळ मुख्य रस्त्याने दूध घेऊन जात असलेल्या दुचाकी स्वारकास अज्ञात चारचाकी वाहनाने धडक दिल्याने दुचाकी स्वारकाच्या डोक्यास जबर मार लागल्याने घटनास्थळावर त्याचा मृत्यू झाल्याची घटना आज दिनांक ०९ जुन २०१८ रोज शनिवारी सकाळी ६.३० वाजताच्या दरम्यान घडली आहे. मृतकाचे नाव दिनेश रणछोड जोगराणा वय १८ वर्ष रा.पडोली चंद्रपुर असे आहे.
गाईच्या दुधासह गाईचा कडप शेतात बसविण्याचा भटकंती व्यवसाय करणारे गवडी हे सिंदेवाही तालुक्यातील मिनघरी येथील शेतात गाईच्या कडपाचा बसका बसविण्यात आला आहे. भटकंती करून व्यवसाय करणाऱ्या गवडी समाजाचा पडोली - चंद्रपुर रहिवासी असलेला युवक दिनेश जोगराणा वय १८ हा मिनघरीच्या गाईच्या बसक्याच्या स्थळावरून सिंदेवाही येथे गाईचे दूध विकण्यासाठी नेत असतांना समोरून येणाऱ्या वाहनाने धडक दिल्याने लाडबोरी गावाजवळ त्याचा अपघातात मृत्यू झाला.
घटनेची माहिती मिळताच सिंदेवाही पोलिसांनी घटना स्थळी जाऊन घटनेचा पंचनामा केला व मृतकाचे शव तपासणी करिता सिंदेवाही ग्रामीण रुग्णालय येथे पाठवण्यात आले. तसेच अज्ञात वाहनाविरोधात सिंदेवाही पोलिसात गुन्हा दाखल करण्यात आला असून याचा पुढील तपास सिंदेवाही पोलीस करत आहे.
