स्वतंत्र दिनानिमित्य ध्वजारोहण सुरु असतांना अकोला जिल्ह्यातील तेल्हारा तालुक्यातील ग्रामपंचायत वाकोडी तुदगाव येथे युवकाने तेल्हारा पंचायत समितीच्या इमारतीवर युवकाने आत्मदहन करण्याचा प्रयत्न केला.अरूण देवमण चव्हाण, असे या युवकाचे नाव आहे.
याने ग्राम विद्युत व्यवस्थापक पदासाठी ऑगस्ट 2017 ला रितसर अर्ज केला, मात्र अकरा महिने लोटले, तरी यावर कोणतीहि हालचाल करण्यात आली नाही,सरपंच आणि सचिव याबाबतचा ठराव घेण्यास टाळाटाळ करीत होते. या सर्व प्रकारात जाणीवपूर्वक दुर्लक्ष होत आहे असे अरुण चव्हाण याने जिल्हाधिकारी यांना निवेदन देऊन आत्मदहनाचा इशारा दिला होता.न्याय मिळावा म्हणून 15 ऑगस्ट या स्वातंत्र्यदिनी पंचायत समितीतीतील ध्वजारोहण सुरु असतांना अरुण देवमण चव्हाण यांनी अंगावर रॉकेल ओतून घेण्याचा प्रयत्न केला. पोलिसांनी सतर्कता दाखवून त्याला ताब्यात घेतले. या घटनेमुळे परिसरात काहीकाळ तणावपूर्ण वातावरण निर्माण झाले होते.
