कर्नाटक राज्यातील म्हैसूर येथील भारत सरकारच्या सेंट्रल फूड टेक्निकल रिसर्च इन्स्टिट्यूट ला काल महाराष्ट्रातील मंत्री आणि राज्यमंत्री यांनी भेट दिली.
अर्थमंत्री सुधीर मुनगंटीवार, महिला व बालविकास मंत्री पंकजा मुंडे , पाणी पुरवठा मंत्री बबनराव लोणीकर , कृषिमंत्री पांडुरंग फुंडकर , अर्थ राज्यमंत्री दीपक केसरकर ,ऊर्जा राज्यमंत्री मदन येरावार , सचिव सर्वश्री विकास खारगे, विजयकुमार, देबाशीष चक्रवर्ती , चंद्रपूर जिल्हा परिषदेचे अध्यक्ष श्री देवराव भोंगळे , मानव विकास आयुक्त भास्कर मुंडे यांची या भेटीदरम्यान प्रामुख्याने उपस्थिती होती. मानव विकास कार्यक्रमाअंतर्गत विकसित होणाऱ्या 25 तालुक्यात संयुक्त राष्ट्रसंघासोबत झालेल्या सामंजस्य कराराला अनुसरून सदर इन्स्टिट्यूट मधील तंत्रज्ञानाच्या सहाय्याने प्रकल्प राबवित सामूहिक सुविधा केंद्र उपलब्ध करत मोठया प्रमाणावर रोजगार उपलब्ध करण्याच्या उद्देशाने अर्थमंत्री सुधीर मुनगंटीवार यांच्या पुढाकाराने ही भेट आयोजित करण्यात आली होती.
