पोलिसांनी टेम्पोसह उचलला DJ

रायगड - गणेशोत्सवाच्या मिरवणुकीत डीजे वाजवायला बंदी घालण्यात आली आहे. मात्र नियम धाब्यावर बसवून दीड दिवसाच्या गणपती विसर्जन मिरवणुकीत अलिबागमध्ये ध्वनी प्रदूषण कायद्याचे उल्लंघन झाले. याप्रकरणी कारवाई करत अलिबाग पोलिसांनी डीजेचे साहित्य, टेम्पो आणि जनरेट असा 9 लाख 40 हजाराचा मुद्देमाल जप्त केला.
अलिबाग शहरातील तळकर नगर येथे राहणारे संतोष जाधव यांनी दीड दिवसाची गणपती विसर्जन मिरवणूक काढली होती. यावेळी ध्वनी प्रदूषण पथक हे ब्राम्हण आळी ते रामनाथ येथे पेट्रोलिंग करत होते. त्यावेळी जाधव यांच्या गणरायाच्या मिरवणुकीत डीजे सारखे ध्वनी प्रदूषण वाद्य मोठ्या कर्कश आवाजात वाजविले जात असल्याचे पथकाच्या निर्दशनात आले. डीजेच्या ध्वनी तीव्रता यंत्राने तपासणी करुन प्रिंट काढली असता ती 63.3 डेसीबल एवढी इतकी भरली. 
ध्वनी प्रदूषण कायद्याचे उल्लंघन केल्याप्रकरणी संतोष जाधव, डीजे चालक रोहित सुरेश पाटील, वाहन चालक स्वप्नील दिलीप लिंगम, जनरेटर चालक उत्कर्ष विकास चवरकर यांच्या विरुद्ध पर्यावरण संरक्षण कायदा 1986 नुसार ध्वनी प्रदूषण नियमन व नियंत्रण नियम 2000 अन्वये अलिबाग पोलिसांनी कारवाई केली.

বিস্তারিত পড়ুন

अस्वच्छ पाण्यामध्ये भाजीपाला धुणाऱ्या‘त्या’विक्रेत्यांवर अन्न व औषध प्रशासनाची कारवाई

चंद्रपूर/प्रतिनिधी:

चंद्रपूर येथील कृषी उत्पन्न बाजार समितीच्या आवारात साचलेल्या पाण्यामध्ये भाजीपाला विकणा-या विक्रेत्यांवर अन्न व औषध प्रशासन विभागाने आता कारवाई केली आहे. अस्वच्छ पाण्यामध्ये भाजीपाला धुवून त्यासंदर्भातली बेपर्वाई विषद करणारी व्हिडीओ क्लिप १७ जुलै रोजी सोशल मिडीयावर व्हायरल झाल्यानंतर कुंभकर्णी झोपेत असलेल्या स्थानिक अन्न व औषध प्रशासनाने याबाबत कडक पावले उचलली. संपूर्ण महाराष्ट्रामध्ये हा व्हिडीओत असंवेदनशील विक्रेते आपल्या कृत्याचे समर्थन करताना दिसून आले होते. त्यामुळे समाज जीवनामध्ये याबद्दल चिंता व्यक्त केली जात होती.

याच व्हिडीओच्या आधारे राज्य शासनाच्या अन्न औषधी प्रशासन विभागाने याबाबत कारवाई करत व्हिडिओ क्लिपमधील कप्तानसिंह सोनेलाल राजपूत, कैलास उर्फ दिनेश रामदास मडावी या दोघांची चौकशी करण्यात आली .या चौकशीत सदर क्लिप मधील व्यक्ती आपणच स्वतः असल्याबाबत कबुली त्यांनी दिली आहे. 

सदर दोन्ही व्यक्ती कृषी उत्पन्न बाजार समितीतून भाजीपाला खरेदी करून ते हातगाडीवर भाजीपाल्याचे  किरकोळ विक्रेते आहेत. या व्यक्तींकडून अन्न सुरक्षा व मानदे कायदा 2006 अंतर्गत नियम व नियमन 2011 अन्वये तपासणी करून कोथिंबीर या भाजीपाल्याचा एक-एक नमुना विश्लेषण करण्यासाठी अन्न व विश्लेषक प्रादेशिक लोक स्वास्थ प्रयोगशाळा नागपूर येथे विश्लेषणासाठी पाठविण्यात आला आहे.अश्या या तपासनीचा विश्लेषण अहवाल प्रलंबित आहे. 

घडलेल्या प्रकारानंतर कृषी उत्पन्न बाजार समितीमध्ये काम करणा-या कर्मचा-यांमध्ये जागरुकता निर्माण करण्यात येत आहे. औषध प्रशासन विभागाने या परिसरातील भाजीपाला विक्रेत्यांनी काय करावे व काय करू नये याबाबतचे मार्गदर्शन करणारे फलक सुद्धा या ठिकाणी लावण्यात आले असलाचे सांगितल्या जाते.  नागरिकांनी देखील अशा पद्धतीच्या चुकीच्या काम होत असल्यास अन्न व औषध प्रशासन विभागाला लक्षात आणून द्यावे, असे आवाहन अन्न व औषध प्रशासन विभागाचे सहायक आयुक्त नितीन मोहिते यांनी केलेले आहे. नागरिकांना अशा पद्धतीची कुठलीही तक्रार असेल वा कुठल्याही भेसळीची ज्या ठिकाणी शक्यता वाटते, अशा ठिकाणच्या संदर्भात चंद्रपूर येथे 07172-255612 या क्रमांकावर माहिती दिली जाऊ शकते, असेही या विभागाने स्पष्ट केले आहे.मात्र या व्हिडीओत दोषी आढळणाऱ्या व्यक्तींवर नेमकी काय करवाई करण्यात आली आहे. हे मात्र अन्न व औषध प्रशासन विभागाने अजूनही सांगितले नाही.

বিস্তারিত পড়ুন

विना परमिट धावणाऱ्या खाजगी ट्रॅव्हल्सवर चंद्रपूर RTO ची कारवाई

चंद्रपूर/रोषण दुर्योधन: 

चंद्रपूर नागपूर मार्गावर विना परमिट धावणाऱ्या ट्रॅव्हल्स वर आज आरटीओ आणि वाहतूक शाखेच्या पोलिसांनी कारवाई केली आहे. या कारवाईत तब्बल 10 गाड्या जप्त करण्यात आल्या आहेत तर 17 गाड्यांना मेमो देण्यात आला आहे.

चंद्रपूर नागपूर मार्गावर मोठ्या प्रमाणावर खाजगी ट्रॅव्हल्स चालतात मात्र हे ट्रॅव्हल्स विना परवानगी ने चालत असल्याची माहिती आरटीओ आणि वाहतुक शाखेला मिळाली त्यानुसार आज डी.एन.आर, पर्पल, रॉयल,महालक्ष्मी, रामायण अश्या विविध खासगी बसेसवर RTO विभागामार्फत कारवाई करण्यात आली असून तब्बल 10 गाड्या जमा करण्यात आल्या  तसेच 17 गाड्यांना मेमो दिल्याची माहिती उपप्रादेशिक परिवहन अधिकारी विश्वमभर शिंदे यांनी दिली आहे. 

वीना परवाणा चालणाऱ्या या ट्रॅव्हल गाड्या सामान्य प्रवाशांसाठी धोकादायक असून या बाबत RTO विभागाला अनेक तक्रारी प्राप्त झाल्या होत्या.सोबतच सध्या सुट्यांचा सीजन सुरु तसेच उन देखील जास्त असल्याने या वातानुकुलीत खाजगी ट्रॅव्हल्स मध्ये बसण्यासाठी प्रवासी चांगलीच गर्दी करत आहे व काही खाजगी ट्रॅव्हल्स क्षमतेपेक्षा जास्त प्रवासी बसवत असल्याची देखील तक्रार परिवहन विभागली होती.या तक्रारींच्या आधारावरच ही कारवाई करण्यात आल्याचे अधिकाऱ्यांनी सांगितले आहे.

---------------------------------------------------------------------------------

जाहिरातीसाठी राखीव 

भारतात पहिल्यांदा जागतिक पातळीवरील एक अग्रगण्य कंपनी घेऊन आली, कुक्कुट पालन ,मत्स्य पालन,शेळी पालन,दुध डेअरी यासारख्या संपूर्ण व्यवसायासाठी लागणारे संपूर्ण प्रशिक्षण व मार्गदर्शन मिळणार अगदी निशुल्क, याच सोबत पशुखाद्य,पिल्ले,औषधी, या सारख्या संपूर्ण goods अतिशय अल्प दरात उपलब्ध ...त्यासाठी संपर्क करा:९१७५९३७९२५ या क्रमांकावर (घरपोच सेवा उपलब्ध) 

বিস্তারিত পড়ুন