अनिकेतची हत्या पोलीस खात्याला कलंक, दोषींना फाशी द्या: आठवले

  
सांगली: अनिकेत कोथळेच्या हत्येप्रकरणी जो कोणी दोषी असतील, त्यांच्यावर कारवाई करण्यासाठी सरकार प्रयत्नशील आहे. दोषींना फाशीची शिक्षा झाली पाहिजे, अशी मागणी केंद्रीय सामाजिक न्याय राज्यमंत्री रामदास आठवले यांनी केली. ते सांगलीत बोलत होते.

अनिकेत कोथळेचे खून प्रकरण हे पोलीस खात्याला कलंक लावणारी घटना असून, पोलीस कोठडीत थर्ड डिग्री वापरणे कायदेशीररित्या योग्य नाही. जे पोलीस थर्ड डिग्रीचा वापर करत असतील त्यांना पोलीस खात्यात ठेऊच नये असं मतही आठवले यांनी व्यक्त केलं.

थर्ड डिग्रीत अनिकेतचा मृत्यू

दरम्यान, पोलिसांच्या थर्ड डिग्रीमुळे या महिन्याच्या सुरुवातीला अनिकेत कोथळेचा मृत्यू झाला होता. याप्रकरणी पोलीस निरीक्षकासह पाच जणांना अटक करण्यात आली आहे.

विशेष म्हणजे, पोलिसांकडून अनिकेतचा मृतदेह जाळून टाकून, दोन आरोपींनी पालायन केल्याचा बनाव रचण्यात आला होता. या प्रकरणी पोलीस निरीक्षक युवराज कामटेसह 5 पोलिसांना अटक करण्यात आली. तसेच या हत्येचा तपास सीआयडीकडे सोपवण्यात आला होता.

याप्रकरणात 12 आरोपी पोलिसांना निलंबित करण्यात आलं आहे.

বিস্তারিত পড়ুন

अखेर पोलिस अधिक्षकांची बदली

⭕ब्रेकींग न्यूज

सांगली :- सांगलीचे पोलीस अधीक्षक दत्तात्रय शिंदे यांची बदली.
सांगली चे पोलीस अधीक्षक म्हणून सोहेल शर्मा यांची नियुक्ति

বিস্তারিত পড়ুন

अनिकेत कोथळे खूनप्रकरण अ‍ॅड. उज्ज्वल निकम यांची नियुक्ती

☀☀

सांगली /प्रतिनिधी
सांगलीतील अनिकेत कोथळे खूनप्रकरणी विशेष सरकारी वकील म्हणून अ‍ॅड. उज्ज्वल निकम यांची नियुक्ती होणार आहे. याबाबत मुख्यमंत्री देवेंद्र फडणवीस यांनी त्यांच्याशी चर्चा केली आहे. त्या प्रस्तावाला अ‍ॅड. निकम यांनी होकारही दिला आहे. आम्ही सांगलीकर जनतेला दिलेला शब्द पाळला आहे, अशी माहिती गृह राज्यमंत्री दीपक केसरकर यांनी  बोलताना दिली.

ते म्हणाले, अ‍ॅड. निकम यांच्या नियुक्तीचा मी शब्द दिल्यानंतर त्याबाबत उलट-सुलट चर्चा घडवून काहींनी राजकीय टीका करण्याचा प्रयत्न केला होता. परंतु, निकम यांच्याशी मी चर्चा केली, तरी गृहमंत्री या नात्याने त्यांच्या नियुक्तीचे अधिकार हे मुख्यमंत्री देवेंद्र फडणवीस यांना आहेत. त्यांच्याशी चर्चा करूनच हा निर्णय होईल, असे मी सांगलीतही सांगितले होते. केसरकर म्हणाले, याबाबत मुख्यमंत्र्यांबरोबर झालेल्या चर्चेनंतर त्यांनी अ‍ॅड. निकम यांच्याशी संपर्क साधला. त्याला अ‍ॅड. निकम यांनीही शुक्रवारी अहमदनगर येथील भेटीत दुजोरा दिला. त्यांनी हा खटला चालविण्यास होकारही दिला आहे. आता रीतसर आदेश होऊन अ‍ॅड. निकम सांगलीत येतील. या खटल्याबाबत कार्यवाही सुरू करतील.याप्रकरणी पोलिस खात्यातील वरिष्ठांचीही चौकशी करून योग्य कारवाईद्वारे अनिकेतच्या कुटुंबीयांना न्याय देऊ, असेही केसरकर म्हणाले.

दरम्यान, सीआयडीचे विशेष महानिरीक्षक सुनील रामानंद यांनी अनिकेतला शहर पोलिस ठाण्यातील ज्या खोलीत मारण्यात आले, त्या ठिकाणाचीही पाहणी केली. त्यांनी आतापर्यंत झालेल्या तपासाचा धावता आढावा घेतला. सकाळी साडेअकराच्या सुमारास डॉ. काळे शहर पोलिस ठाण्यात आल्या. दुपारी अडीचपर्यंत त्यांची चौकशी सुरू होती. साडेतीनच्या सुमारास डॉ. काळे यांना पुन्हा बोलावण्यात आले. उशिरापर्यंत त्यांची चौकशी सुरू होती.

अनिकेतच्या कुटुंबीयांना न्याय देऊ,

केसरकर म्हणाले, याबाबत मुख्यमंत्र्यांबरोबर झालेल्या चर्चेनंतर त्यांनी अ‍ॅड. निकम यांच्याशी संपर्क साधला. त्याला अ‍ॅड. निकम यांनीही शुक्रवारी अहमदनगर येथील भेटीत दुजोरा दिला. त्यांनी हा खटला चालविण्यास होकारही दिला आहे. आता रीतसर आदेश होऊन अ‍ॅड. निकम सांगलीत येतील. या खटल्याबाबत कार्यवाही सुरू करतील.याप्रकरणी पोलिस खात्यातील वरिष्ठांचीही चौकशी करून योग्य कारवाईद्वारे अनिकेतच्या कुटुंबीयांना न्याय देऊ, असेही केसरकर म्हणाले. सांगली एस.पी. शिंदे, डीवाय.एस.पी. काळे यांची चौकशी अनिकेत कोथळे खूनप्रकरणी सीआयडीचे विशेष महानिरीक्षक सुनील रामानंद यांनी शनिवारी पोलिस अधीक्षक दत्तात्रय शिंदे आणि पोलिस उपअधीक्षक डॉ. दीपाली काळे यांची कसून चौकशी केली. त्यासाठी रामानंद यांच्यासह वरिष्ठ पोलिस अधिकारी सांगली शहर पोलिस ठाण्यात रात्री उशिरापर्यंत ठाण मांडून होते. त्यांनी काही कागदपत्रेही जप्त केली.

বিস্তারিত পড়ুন

मंदिराच्या गाभाऱ्यात रक्ताचा सडा

शिराळ्यातील शिवरवाडीत खून

सांगली:  शिराळा तालुक्‍यातील शिवरवाडी येथील चक्रोबा मंदिराच्या गाभाऱ्यात आज (शनिवार) सकाळी एका 50 वर्षीय पुरुषाचा मृतदेह रक्ताच्या थारोळ्यात पडलेला आढळला. आमावस्येच्या रात्री हा प्रकार उघडकीस आल्याने खून की नरबळी ? याबाबत चर्चा सुरु आहे.

मृतदेहाच्या डोक्‍यात धारदार शस्त्राने वार करुन खून करण्यात आला आहे. त्याच्या जवळच लिंबू, हळद-कुंकू असे साहित्य सापडल्याने हा प्रकार नरबळीचा असल्याचा संशय व्यक्त केला जात आहे. शिरसी-शिवरवाडी रस्त्यावर डोंगरावर मंदिर आहे. मंदिराचा परिसर डोगरावर निर्जन आहे.

मंदिरात खून झाल्याचे समजताच घटनास्थळी गर्दी झाली. शिराळा पोलिसांनीही घटनास्थळी भेट दिली. मृतदेहाशेजारी लिंबू, हळद-कुंकू, पूजेचे साहित्य पडले होते. या मृतदेहाची ओळख दुपारपर्यंत पटलेली नव्हती. पाठीमागून धारदार शस्त्राने वार केल्याचे दिसत आहे. शुक्रवारी मध्यरात्री ही घटना घडली असावी.

বিস্তারিত পড়ুন

कोथळे मृत्यू प्रकरणी नितेश राणेंचा गृहराज्यमंत्र्यांवर निशाणा

मुंबई : "थर्ड डिग्री"चा वापर करून पोलीस अधिकारी युवराज कामटे याने अनिकेत कोथळे याला बेदम मारहाण केली. यात कोथळे याचा मृत्यू झाला. एवढेच नव्हे तर कोथळे याचा मृतदेह गृहराज्यमंत्री दीपक केसरकर यांच्या मतदारसंघात नेऊन टाकला. केसरकर यांचे गृहराज्यमंत्री या नात्याने हे अपयश आहे. त्यामुळे केसरकर यांनी राजीनामा द्यावा, अशी मागणी आमदार नितेश राणे यांनी ट्विटरवरून केली आहे.*

*संबंधित पोलिसांच्या हिंमतीला दाद दिली पाहीजे. मृतदेह जाळण्याचे ठिकाण गृहराज्यमंत्र्यांच्याच मतदारसंघात निवडणे म्हणजे मंत्र्यांची पोलीस खात्यावर किती वचक आहे, याचेच हे उत्तम उदाहरण असल्याचा टोला राणे यांनी हाणला आहे. कोथळे यांच्या मृत्यू प्रकरणाची सखोल चौकशी व्हायला हवी, अशीही मागणी त्यांनी केली आहे...*

বিস্তারিত পড়ুন

अनिकेतच्या खूनातील आरोपींच्या फाशीसाठी सरकार प्रयत्‍नशील

सांगली/प्रतिनिधी -येथील अनिकेत कोथळे या तरुणाच्या खूनाला आणि त्यानंतर त्याच्या मृतदेहाची विल्हेवाट लावण्यास जबाबदार असणार्‍या सर्वांना फाशीची शिक्षा होण्यासाठी  राज्य सरकारचा प्रयत्न राहिल. त्यासाठी सरकार न्यायालयात भक्कमपणे पुरव्यानिशी बाजू मांडणार असल्याची माहिती गृहराज्यमंत्री दीपक केसरकर यांनी आज येथे पत्रकार परिषदेत दिली.
दरम्यान पोलिस दलातील चुका शोधून दुरुस्थ करण्यासाठी वरीष्ठ दर्जाचा अधिकारी नियुक्त केला जाईल, असेही त्यांनी सांगितले.*

*पोलिसांनी कोठडीत केलेल्या मारहाणीत अनिकेतचा मृत्यू झाला.  त्यानंतर अनिकेत आणि त्याचा साथीदार पळून गेल्याचा बनाव पोलिसांनी केला. अनिकेतच्या मृतदेहाची आंबोली येथे जाळून विल्हेवाट लावण्याचा प्रयत्न केला. मात्र अनिकेतचे कुटुंबीय, लोकप्रतिनीधी यांच्या दबावामुळे पोलिसांचा कारणामा चव्हाट्यावर आला. त्यामुळे पोलिस उपनिरिक्षक युवराज कामटे याच्यासह त्याच्या पाच साथीदारांनी हे कृत्य केल्याचे पोलिसांनी जाहीर केले.*

*या प्रकरणी कामटेसह सहा जणांना अटक झाली असून त्यांच्यासह आणखी सात जणांना निलंबीत करण्यात आले आहे. तरीही पोलिस दलाविषयी लोकांच्यात रोष कायम आहे. या प्रकरणात असलेल्या वरीष्ठ अधिकार्‍यासह सर्व दोषीवर कडक कारवाई व्हावी, अशी मागणी करण्यात आली आहे. त्यासाठी सोमवारी सांगलीबंदचे आवाहनही करण्यात आले आहे. त्या पार्श्‍वभूमीवर केसरकर यांनी अनिकेतच्या कुटुंबियांची भेट घेतली. पोलिस अधिकार्‍यांची बैठक घेऊन आढावा घेतला..*

বিস্তারিত পড়ুন

विश्‍वास नांगरे यांच्या बदलीसाठी दबाव

कोल्हापूर/सांगली :

 सांगलीत पोलीस कोठडीत अनिकेत कोथळेचा झालेला संशयास्पद मृत्यू व त्याचा मृतदेह पोलिसांकडूनच आंबोलीत जाळण्याच्या घटनेने गृहविभाग अडचणीत आला आहे. कोल्हापूर परिक्षेत्राचे विशेष पोलीस महानिरीक्षक विश्‍वास नांगरे-पाटील व सांगलीचे पोलीस अधीक्षक दत्तात्रय शिंदे यांच्या बदलीसाठी विविध संघटना, राजकीय पक्ष व अनिकेतच्या नातेवाईकांकडून आता दबाव वाढत आहे.
या संदर्भातील निर्णय मुख्यमंत्र्यांशी चर्चा करून घेतला जाईल, अशी माहिती गृहराज्यमंत्री दीपक केसरकर यांनी रविवारी कोल्हापुरात दिली.  केसरकर यांनी सांगलीत जाऊन अनिकेतच्या कुटुंबीयांचे सांत्वन केले. मोठा- छोटा अधिकारी न पाहता दोषींवर निश्‍चितपणे कारवाई केली जाईल, अशी ग्वाही केसरकर यांनी दिली.

प्रत्यक्षदश्री अमोल भंडारेलाही मारण्याचा कट
अनिकेतच्या मृत्यूचा प्रत्यक्षदश्री साक्षीदार अमोल भंडारे यालाही मारण्याचा कट निलंबित पोलीस उपनिरीक्षक युवराज कामटेने रचला होता, अशी धक्कादायक माहिती सीआयडीच्या तपासातून बाहेर आली आहे.

आत्मदहनाचा इशारा
आमच्या मागण्या मान्य न केल्यास आत्मदहन करण्याचा इशारा अनिकेतच्या कुटुंबाने केसरकर यांना दिला. 

आज सर्वपक्षीय बंद
अनिकेतच्या मृत्यूप्रकरणी सोमवारी सांगलीत सर्वपक्षीय बंदचे आवाहन करण्यात आले आहे. कृती समितीतर्फे शहरातून मोटारसायकल रॅली काढण्यात येईल.

বিস্তারিত পড়ুন

भूकंपाचे धक्के

सातारा, सांगली आणि रत्नागिरी जिल्ह्यात भूकंपाचे धक्के जाणवले आहेत. हे भूकंपाचे धक्के सौम्य असल्याने सुदैवाने कोणत्याही प्रकारची जीवित किंवा वित्तहानी झालेली नाही.

বিস্তারিত পড়ুন