चंद्रपूर/प्रतिनिधी:
छत्रपती शिवाजी महाराज शेतकरी सन्मान योजनेअंतर्गत कर्जमाफ झालेल्या शेतक-यांना सुध्दा सन 2018-19 या खरीप हंगामासाठी पीक कर्ज उपलब्ध करुन देण्याच्या राज्य शासनाच्या स्पष्ट सूचना आहेत. त्यामुळे जिल्हा मध्यवर्ती बँक व राष्ट्रीयीकृत बँका तसेच ग्रामीण बँकांच्या जिल्हयातील सर्व शाखेमध्ये पीक कर्ज वाटप मेळाव्याचे आयोजन2018 रोजी मंगळवारी सकाळी 11 ते सायं. 5 या वेळात करण्यात आले आहे.
त्यामुळे जिल्ह्यातील शेतक-यांना खरिप पीक कर्ज उपलब्ध करुन देण्यासाठी 19 जून 2018 रोजी सर्व बँकामध्ये मेळाव्याचे आयोजन करण्यात आले आहे. तेव्हा जिल्हयातील ज्या शेतक-यांना अद्यापही पीक कर्ज मिळालेले नाहीत, अशा शेतक-यांनी या मेळाव्याला उपस्थित राहावे, असे आवाहन सहकारी संस्थेचे जिल्हा उपनिबंधक ज्ञानेश्वर खाडे यांनी केले आहे.
