चंद्रपूर मे शराब तस्करी के 6 आरोपियों को 3 वर्ष की कैद

चंद्रपूर/संवाददाता:

 चंद्रपुर जिले में शराबबंदी के बावजूद शराब की तस्करी करने वाले 6 आरोपियों को चिमूर न्यायालय ने 3-3 वर्ष कैद और 25-25 हजार रुपये जुर्माने की सजा सुनाई. 1 अप्रैल 2015 से चंद्रपुर जिले में संपूर्ण शराबबंदी की घोषणा की गई. इसके बावजूद शराब तस्कर अनेक हथकंडे अपनाकर शराब की तस्करी कर रहे हैं. 16 अप्रैल 2017 को तत्कालीन थानेदार दिनेश लबडे को गुप्त सूचना मिली थी कि शराब लाई जा रही है. इस आधार पर थानेदार ने सुधाकर माकोड़े, किशोर बोढे, राजू बावने, प्रवीण तिराणकर, शंकर उरकुड़े के साथ योजना बनाकर कार्रवाई की. जिसमें सेंट्रो कार क्र. एमएच-31 बीबी-5109 से विदेशी कम्पनी की 144 बोतल तथा संयज साठोने के घर से आफिसर च्वाइस कम्पनी की 288 बोतल शराब जब्त की थी.

कार्रवाई में पुलिस ने कुल 3,73,100 रुपए का माल जब्त कर चिमूर निवासी इब्राहिम युसूफ शेख, संजय साठोने, सोमेश्वर साठोने, और नागपुर निवासी राहुल शिमले, अमोल राऊत, तुषार बेतवार को धर दबोचा. चिमूर पुलिस ने आरोपियों के खिलाफ मामला दर्ज कर न्यायालय में चार्जशीट दाखिल की. न्यायाधीश एस.एस. छलानी ने गवाहों के बयान और सबूत के आधार पर संजय साठोने ,सोमेशवर साठोने इब्राहिम शेख, राहुल शिमले, अमोल राऊत, तुषार बेतवार को 3-3 वर्ष कैद और 25-25 हजार रुपये जुर्माने की सजा सुनाई है. जुर्माना नहीं भरने पर 6 महीने अतिरिक्त सजा का प्रावधान रखा है. इसके पूर्व सुरेश खोब्रागड़े, प्रमोद खोब्रागड़े, राजकुमार चाचरकर, राजू झाड़े, अविनाश पोईनकर को भी न्यायालय ने सजा सुनाई थी. सामूहिक शराब तस्करी मामले में न्यायालय ने पहली बार सजा सुनाई है.

বিস্তারিত পড়ুন

वणी-चंद्रपूर मार्गेने दारू तस्करी;एकाला अटक

  गाडीत विशेष खप्पा तयार करून करण्यात येत होती दारू तस्करी 

                                   १० लाखांचा मुद्देमाल जप्त

चंद्रपूर/प्रातिनिधी:

वणी-चंद्रपूर मार्गेने दारू तस्करी करणाऱ्या दारू तस्कराला चंद्रपूर

 स्थानिक गुन्हे शाखेच्या पथकाने केली अटक

चंद्रपूर येथील रयतवारी कॉलरी परिसरात करण्यात आली कारवाई

 रणजीत खरवार असे दारू तस्कराचे नाव  

 गुप्त माहितीच्या आधारे केली पोलिसांनी कारवाई 

 स्थानिक गुन्हे शाखेचे पोलिस निरीक्षक सुधाकर अंभोरे  यांच्या नेतृत्वात  सहायक पोलिस निरीक्षक सुधीर बोरकुटे, दौलत चालखुरे, कुंदन सिंग बावरी, प्रांजल झिलपे यांनी छापा टाकण्यात आला. 

  चालक रणजीत खरवार याला ताब्यात घेण्यात आले. तर दोघे पसार झालेत. 

यावेळी पोलिसांनी दारूसाठा, व वाहन असा एकूण दहा लाख ६५ हजार रुपयांचा मुद्देमाल जप्त केला.  

-------------------------------------------------------------------

शहर पोलीस कारवाई 

1400 नग देशी दारू किं अंदाजे 1, 40,000/- चा माल व एक मोपेड गाडी किं अंदाजे 30, 000/- असा एकूण 1,70,000/-  रु चा माल आरोपी नामे अक्षय देविदास बारस्कर वय 20 वर्ष रा. लालपेठ जुनी वस्ती चंद्रपूर  व इतर एका आरोपीस अटक 
Api देवेंद्र ठाकूर,  अमोल गिरडकर ड्राइवर रामटेके यांची कारवाई 

বিস্তারিত পড়ুন

अवैध दारू तस्करी करणाऱ्या आरोपीला झाली ३ वर्ष सश्रम कारावासाची शिक्षा

 25 हजार रुपये दंड 

चंद्रपूर/प्रतिनिधी:

 पोलीस स्टेशन भिसी अंतर्गत हिरापुर येथे अवैध दारूची वाहतुक करून विक्री करणाऱ्या आरोपीस 19/09/2018 रोजी श्री. छल्लानी, न्यायदंडाधिकारी कोर्ट चिमुर, जि.चंद्रपुर यांनी शिक्षा ठोठावली.

दिनांक 05/09/2015 रोजी भिसी अंतर्गत शंकरपुर चौकी येथील पाेलीसांना गापनीय माहिती मिळाल्यावरून अवैधरित्या दारूची तस्करी करीत असतणाऱ्या  दोन  आरोपी नामे आषिश रामराव नैताम रा. पेंढरी ता.           सिंदेवाही,(राजु  नामदेव मडावी रा.नवरगाव ता. सिंदेवाही यांना दारूच्या मुद्दे मालासह अटक करण्यात आले.  यावरून पोलीस स्टेशन  भिसी येथे गुन्हा नोंद  करण्यात आला. सदर गुन्हयाचा तपास पोलीस 

हवा. बद्दारखॉं पठाण आणि पा. रामचंद्र चाफले यांनी पुर्ण करून आरोपी विरूद्ध सबळ पुराव्यानिषी न्यायालयात दोशारोपपत्र सादर केले.न्यायालयाचे सुनावणी दरम्यान सदर प्रकरणात न्यायालयाने साक्षीदार तपासले व योग्य पुराव्याच्या आधारे दिनांक 19/09/2018 रोजी आशिष रामराव नैताम रा. पेंढरी ता. सिंदेवाही राजु  नामदेव मडावी रा. नवरगाव ता.सिंदेवाही यांना  3 वर्श सश्रम कारावासीची शिक्षा  व 25,000/-रू दंड, न भरल्यास 6 महिने कारवासाची शिक्षा श्री.छल्लानी, न्यायदंडाधिकारी कोर्ट चिमुर, जि. चंद्रपुर यांनी ठोठावली आहे. सदर प्रकरणामध्ये सरकार तर्फे अॅड. श्री. संजय ठावरी, सरकारी अभियोक्ता, चंद्रपूर यांनी काम पाहीले असुन कोर्ट  पैरवी म्हणुन सफौ. सुधाकर बुटके पोस्टे. चिमुर, यांनी काम पाहिले.

বিস্তারিত পড়ুন

६०० पेटी दारू तस्करीतील मुख्य आरोपी गजाआड

संग्रहित छायाचित्र 

चंद्रपूर/प्रतिनिधी:

जिल्हयात दारूबंदी घोषित झाल्यापासुन पोलीस विभाग अवैध दारू तस्करांना वेठीस आणण्याकरीता अहोरात्र प्रयत्न करीत आहे. दिनांक 15/07/2018 रोजी स्थानिक गुन्हे शाखेच्या पथकाने पोलीस स्टेशन नागभिड अंतर्गत दोन ठिकाणी अवैध दारू तस्करी बाबत कार्यवाही करीत दारू तस्करी करणाऱ्या आरोपीस अटक करून एकुण 559 पेटी व 1000 देशी विदेशी दारूच्या निपा किंमत 76,08,670/-रू चा मुद्देमाल जप्त केला होता. सदरचा गुन्हा पोलीस स्टेशन नागभिड येथे नोंद करण्यात आला होता. 

सदर गुन्हयातील मुख्य आरोपी नामे श्रीनिवास कोलावार रा. पवनी जि. भंडारा हा गुन्हा दाखल झाल्यापासुन पसार होता.स्थागुशा पथक त्याची सतत गोपनीय माहिती काढुन त्याचा पाठलाग करीत होते. आज दिनांक 25/08/2018 रोजी मिळालेल्या माहितीप्रमाणे स्थागुशा पथक पवनी भंडारा  येथे असल्याची गोपनीय माहिती मिळाली. त्यावरून स्थागुशा पथकाने सापळा रचुन त्यास पवनी जि. भंडारा येथुन अटक केली.श्रीनिवास कोलावार हा स्वतःच्या भट्टीत दारू तयार करीत असुन त्याच्याकडे दारू विक्रीचे दाेन परवाने त्याद्वारे तो  भंडारा जिल्हयातुन ब्रम्हपुरी, सिंदेवाही, नागभिड आणि चिमुर या परिसरात माेठया प्रमाणात अवैध रित्या दारूचा पुरवठा करीत हाेता. यापरिसरातील सदर आराेपी हा मुख्य पुरवठादार आणि चंद्रपुर जिल्हयातील नाेंद गुन्हयातील फरार आराेपी असल्याने पाेलीस पथक याचे सतत मागावर हाेते.

सदर गुन्हयाचा तपास श्री. महेश्वर रेड्डी,पोलीस अधीक्षक चंद्रपुर, श्री. हेमराजसिंह राजपूत, अपर पोलीस अधीक्षक चंद्रपुर यांचे मार्ग दर्शनात  स्थानिक गुन्हे शाखा प्रभारी पोनिसुधाकर अंभोरे यांचे नेतृत्वात पोउपनि जितंेद्र वैरागडे, पोहवा संगीडवार, पोशी अविनाश दशमवार, अमजद, संदीप मुळे, मयुर येरमे यांनी पार पाडली. सदर आरोपीस पुढिल तपासाकरीता नागभिड पोलीसांच्या ताब्यात देण्यात आले आहे.

বিস্তারিত পড়ুন

२ कोटी रुपयाच्या दारूवर चालविला रोडरोलर

वरोरा पोलीसांची कार्यवाही

 स्थानिक गुन्हे शाखा चंद्रपुर आणि दारूबंदी विभाग यांचे संयुक्त कार्यवाहीने चंद्रपुर जिल्हयातील विविध पोलीस स्टेशन अंतर्गत जप्त मुद्देमाल नष्ट करण्याच्या कार्यवाहीला सुरूवात करण्यात आली असुन त्यामध्ये काल दिनांक 24/07/2018 रोजी पोलीस स्टेशन वरोरा येथील दारूबंदीचे 591 गुन्हयातील एकुण 02 कोटी 10 लाख 31 हजार
310 रू. चा (10,31,310/-रू) दारूचा मुद्देमाल रोडरोलरने नष्ट करण्यात आला आहे.

বিস্তারিত পড়ুন

अवैध दारूसाठा प्रकरणात न्यायालयाने ठोठावली ३ पोलिसांना ३ वर्षाची शिक्षा

नागपूर/ललित लांजेवार: 

चंद्रपूर जिल्ह्यात १ एप्रिल २०१५ रोजी ६०० करोडाच्या मह्सुलावर पाणीसोडत सुधीर मूनगंटीवार यांनी दारूबंदी केली .दारूबंदी झाल्यानंतर पोलीस यंत्रणेवर अंमलबजावणीची जबाबदारी आली.अश्यातच अवैध दारू पकडण्यासाठी पोलीस विभागाने विशेष पथक तयार केले.

मात्र रक्षक समजल्या जाणाऱ्या पोलिसांनीच अवैध दारूच्या कारवाया करत दारू पकडली अन तेच दारू भक्षक झाले.पोलिसांनी जप्त केलेल्या दारूपैकी काही दारू हि पथकातील पोलिसांनी क्वार्टर मध्ये ठेवली. 

ऑगस्ट २०१५ मध्ये राजुरा पोलीस ठाण्यात या प्रकारात एक तक्रार दाखल करण्यात आली ज्यात पोलिसांनी पोलीस क्वार्टरवरच पोलीस पथकाने धाड घातली असता हे क्वार्टर उपविभागीय पोलीस अधिका-यांच्या पथकातील कर्मचा-याचेच निघाले. यात ३२ बाटल्या दारू आढळून आली होती. दारूबंदीनंतर लगेच काही महिन्यात थेट पोलीस अधिका-याच्या पथकातील कर्मचारी दारूसाठा बाळगल्याप्रकरणी कारवाईत अडकल्याने तत्कालीन पोलीस अधीक्षकांनी ३ पोलीस कर्मचा-याना निलंबित केले होते. या प्रकरणी न्यायालयीन खटला चालविण्यात आला या खटल्याचा निकाल तब्बल ३ वर्षानंतर शुक्रवारी लागला.

यात राजुरा येथील प्रथम न्यायदंडाधिका-यांनी कठोर आदेश पारित करत रमेश आत्राम,विजय उइके, हेमंत बावणे या तीन पोलिसांना ३ वर्षांची शिक्षा व २५ हजाराचा दंड ठोठावला आहे. अशा प्रकारच्या कारवाईत अशी कठोर शिक्षा होण्याची ही पहिली घटना असून या निर्णयाने पोलीस यंत्रणा देखील चांगलीच हादरली असून या नंतरच्या देखील पोलिसावर दाखल असलेल्या गुन्ह्यात न्यायालयाने दिलेली शिक्षेची पुनरावृत्ती देखील घडू शकण्याची संभाव्यता नाकारता येणार नाही.

বিস্তারিত পড়ুন

दारूच्या बाटलांवर चालला बुलडोजर

चंद्रपूर/प्रतिनिधी:

चंद्रपूर जिल्ह्याात १ एप्रिल २०१५ पासून पासुन दारूबंदी घोषीत करण्यात आली. त्याअंतर्गत चंद्रपुर जिल्हयातील विविध पोलीस स्टेशन अंतर्गत दारूबंदी बाबत गुन्हे नोंद करण्यात आले असुन त्यामध्ये मोठया प्रमाणात दारूचा साठा सुध्दा जप्त करण्यात आला. पोलीस अधीक्षक आणि अप्पर पोलीस अधीक्षक चंद्रपुर यांनी विषेश मोहिम राबवुन सतत पाठपुरावा करून मा. कोर्ट चंद्रपुर यांचे कडून दारूच्या गुन्हयातील मुद्देमाल नष्ट करण्याचे आदेश प्राप्त केलेले आहेत.स्थानिक गुन्हे शाखा चंद्रपुर आणि दारूबंदी विभाग यांचे संयुक्त कार्यवाहीने चंद्रपुर जिल्हयातील विविध पोलीस स्टेशन अंतर्गत जप्त मुद्देमाल नष्ट करण्याच्या कार्यवाहीला सुरूवात करण्यात आली असुन दिनांक 06/07/2018 रोजी पोलीस स्टेशन सावली येथील 36 गुन्हयातील एकुण 28,64,790/-रू. दारूचा मुद्देमाल नष्ट करण्यात आला.

तर पोलीस स्टेशन दुर्गापुर येथील 61 गुन्हयातील 6,88,000/-रू चा मुददे्माल नष्ट करण्यात आला आहे. आज दिनांक 07/07/2018 रोजी पोलीस स्टेशन राजुरा येथील 10 गुन्हयातील 11 लक्षचा मुद्देमाल, पोलीस स्टेशन पडोली येथील 99 गुन्हयातील 39,99,150/-रू चा मुद्देमाल तसेच पोलीस स्टेशन भद्रावती येथील 335 गुन्हयातील मुद्देमाल नष्ट करण्यात आला आहे. सदरची कार्यवाही श्रीमती नियति ठाकर,पोलीस अधीक्षक चंद्रपुर आणि अपर पोलीस अधीक्षक श्री. हेमराजसिंह राजपूत यांचे मार्गदर्शनात पोलीस स्टेशन दुर्गापुर प्रभारी पोनि श्री.यादव, पोस्टे सावली पोनि श्री. धुळे, पोस्टे भद्रावती पोनि श्री. मडावी, पोस्टे राजुरा पोनि श्री. कोकाटे, पोस्टे पडोली सपोनि. श्रीमती ढाले आणि संबंधीत पोलीस स्टेशन अधिकारी आणि कर्मचारी यांनी पार पाडली.

বিস্তারিত পড়ুন

वर्ध्यात लाखोंची मोहा दारू जप्त

वर्धा/प्रतिनिधी:

नजीकच्या पांढरकवडा पारधी बेड्यावर छापा टाकून ‘वॉश आऊट’ मोहीम राबविण्यात आली. या मोहिमेदरम्यान पोलिसांनी चार दारूविक्रेत्यांना ताब्यात घेवून त्यांच्याकडून मोठ्या प्रमाणात गावठी दारूसह दारूगाळण्याचे साहित्य असा एकूण २.६७ लाखांचा मुद्देमाल जप्त केला आहे. ही कारवाई बुधवारी सकाळी सावंगी पोलिसांनी केली.

पांढरकवडा पारधी बेड्यावर गावठी मोह दारू गाळून त्याची विक्री वर्धा शहर परिसरातील अनेक गावांमध्ये केली जात असल्याची माहिती पोलिसांना मिळाली. त्या माहितीनुसार, सावंगी पोलिसांच्या विशेष पथकाने ठाणेदार संतोष शेगावकर यांच्या नेतृत्त्वात पांढरवडा पारधी बेड्यावर छापा टाकला. यावेळी पोलिसांनी दारूविक्रेत्यांकडून जमिनीत लपवून ठेवलेला कच्चा मोहरसायन सडवा शोधून तो नष्ट केला. शिवाय काही ठिकाणी दारू गाळण्याचे साहित्य आढळून आल्याने व गावठी मोहाची दारू आढळल्याने ती जप्त करण्यात आली आहे.

सदर कारवाईदरम्यान पोलिसांनी दारूविक्रेता रमेश चिमणे, शिंडू भोसले, शरद ठाकरे, इंद्रपाल भोसले याला ताब्यात घेवून त्यांच्याकडून २ लाख ६७ हजारांचा मुद्देमाल जप्त केला. सदर आरोपींविरुद्ध सावंगी पोलीस ठाण्यात दारूबंदीच्या कायद्यान्वये गुन्हा दाखल करण्यात आला आहे. ही कारवाई पोलीस अधीक्षक निर्मलादेवी एस., उपविभागीय पोलीस अधिकारी कोल्हे यांच्या मार्गदर्शनात सावंगी (मेघे) ठाण्यातील पोलिसांनी केली.

आॅटोसह ३.६७ लाख रूपयांचा दारूसाठा पकडला

समुद्रपुर- येथील हिंगणघाट-उमरेड मार्गावर पोलिसांनी सापळा रचुन अवैधरीत्या दारुची वाहतूक करणाऱ्या आॅटोला अडवून वाहनातील विदेशी दारूसाठा जप्त केला. या कारवाईत पोलिसांनी आॅटोसह ३ लाख ६७ हजार रुपयाचा मुद्देमाल जप्त केला आहे. शिवाय दारूची वाहतूक करणाºया तिघांना अटक करण्यात आली.

बुधवारी सकाळी ९ वाजताच्या सुमारास नागपूरकडून चंद्रपूरकडे जाणाºया एम.एच.३१ टी.सी. १०८ या आॅटोची पोलिसांनी वाहन अडवून पाहणी केली. पाहणीदरम्यान वाहनात मोठ्या प्रमाणात दारूसाठा असल्याचे पोलिसांच्या निदर्शनास आले. तो पोलिसांनी जप्त केला आहे. आॅटोतून पोलिसांनी विदेशी दारू किंमत ५७ हजार ६०० रुपये तसेच ३३ हजार ६०० रुपये किंमतीची बियर तसेच आणखी काही दारूसाठा असा एकूण ३ लाख ६७ हजार २०० रुपयांचा मुद्देमाल जप्त केला आहे.

सदर प्रकरणी समुद्रपूर पोलीस ठाण्यात दारूची वाहतूक करणाºया शेख शाहिद शेख खालिद (२८) रा. नागपूर, निलेश हरिचंद्र निकोडे (२९), इम्रान अमान उल्हास खान पठाण (२९) रा. चंद्रपूर यांच्याविरुद्ध दारूबंदी कायद्यान्वे गुन्हा दाखल करून त्यांना अटक करण्यात आली आहे. ही कारवाई पोलीस अधीक्षक निर्मलादेवी एस. यांच्या मार्गदर्शनात समुद्रपुरचे ठाणेदार प्रविण मुंडे, पोलिस उपनिरीक्षक प्रविण लिंगाडे, पोलिस उपनिरीक्षक माधुरी गायकवाड, सचिन रोकडे, राजू जयसिंगपुरे, चरडे, कृष्णा इंगोले यांनी केली.

বিস্তারিত পড়ুন

वर्ध्यात जागोजागी दारू पकडण्यासाठी पोलिसांचे छापे

वर्धा/प्रतिनिधी:

दारूबंदीची प्रभावी अंमलबजावणी या उद्देशाला केंद्रस्थानी ठेवून सावंगी (मेघे) ठाण्यातील पोलिसांनी नजीकच्या पांढरकवडा पारधी बेड्यावर छापा टाकून शुक्रवारी सकाळी वॉश आऊट मोहीम राबविली. या मोहिमेदरम्यान पोलिसांनी गावठी दारू गाळणाऱ्या चौघांना ताब्यात घेवून त्यांच्याकडून गावठी दारूसह इतर साहित्य असा एकूण २ लाखांचा मुद्देमाल जप्त केला.

विवेक मुरलीधर पलटनकर (२०), संदीप अविनाश पवार (२०), रंजीत नेहरु राऊत (२६) व सुभाष बकाराम भलावी (५८) सर्व रा. पांढरकवडा पारधी बेडा, असे ताब्यात घेतलेल्या दारूविक्रेत्यांची नावे असल्याचे पोलिसांनी सांगितले. पांढरकवडा पारधी बेडा परिसरात मोठ्या प्रमाणात गावठी दारूची निर्मिती केली जात असल्याची माहिती पोलिसांना मिळाली. त्या आधारे पोलिसांनी शुक्रवारी सकाळी तेथे छापा टाकून वॉश आऊट मोहीम राबविली. सदर मोहिमेदरम्यान पोलिसांनी दारूविक्रेत्यांनी जमिनीत लपवून ठेवलेल्या कच्चा मोह रसायन सडव्याचा शोध घेवून तो नष्ट केला. या कारवाईत पोलिसांनी दारूसाठ्यासह २ लाख ३ हजारांचा मुद्देमाल जप्त केला आहे. ही कारवाई पोलीस अधीक्षक निर्मलादेवी एस., यांच्या मार्गदर्शनात ठाणेदार संतोष शेगावकर, सहायक पोलीस निरीक्षक मिलिंद पारडकर, पोलीस कर्मचारी लोढेकर, साखरे, शंभरकर, नाना कौरती, राऊत, मुसा पठान आदींनी केली.

विदेशी दारू भरलेली कार पकडली

वर्धा/प्रतिनिधी:

 शहर पोलिसांनी गोपनीय माहितीच्या आधारे बोरगाव (मेघे) परिसरात नाकेबंदी करून विदेशी दारू भरलेली कार ताब्यात घेतली. इतकेच नव्हे तर दारूविक्रेता आनंद उर्फ बल्लू रामकृपाल दुबे व अधिक तौशीक शेख दोन्ही रा. इतवारा यांना अटक केली आहे. या कारवाईत पोलिसांनी दारूची वाहतूक करण्यासाठी वापरण्यात येणारी एम. एच. २९ ए. एच. ०८२० क्रमांकाची कार व १८ बॉक्स विदेशी दारू असा एकूण ५ लाख ७२ हजार ८०० रुपयांचा मुद्देमाल जप्त केला आहे. ही कारवाई ठाणेदार चंद्रकांत मदने यांच्या मार्गदर्शनात सहाय्यक फौजदार दत्तात्रय ठोंबरे, सचिन धुर्वे, सचिन इंगोले, दिनेश तुमाने, संजय पटेल, विशाल बंगाले, दिनेश राठोड यांनी केली.

दारूभरलेली कार उलटली; मद्यपींची झाली चांदी

गिरड/प्रतिनिधी:

 कोरा मार्गावर रात्रीच्या सुमारास दारूची वाहतूक करणारी भरधाव कार अनियंत्रित होत उलटली. सदर घटनेची वार्ता परिसरात वाऱ्यासारखी पसरल्याने बघ्यांनी घटनास्थळी एकच गर्दी केली होती. याच संधीचे सोने काही मद्यपींनी केले. त्यांनी हाती लागेल त्या ब्रॉन्डची दारू घेवून घटनास्थळावरून पोबारा केला. दरम्यान घटनेची माहिती मिळताच गिरड पोलीस ठाण्याचे पोलीस निरीक्षक महेंद्र ठाकूर यांनी आपल्या चमुसह घटनास्थळ गाठले. त्यांनी सदर दारू भरलेली एम. एच. ४० ए. सी ६१५३ क्रमांकाची कार व कारमधील दारूसाठा असा एकूण एकूण साडे पाच लाखांचा मुद्देमाल जप्त केला. सदर दारूसाठा चोरट्या मार्गाचा अवलंब करीत दारूबंदी असलेल्या वर्धा जिल्ह्यात आणल्या जात होती, असे पोलिसांच्या आतापर्यंतच्या तपासात पुढे आले आहे. घटनास्थळी पोहोचलेले पोलीस कर्मचारी प्रशांत ठाकुर व अजय वानखेडे यांनी पंचनामा केला. सदर प्रकरणी पोलिसांनी दारूची वाहतूक करणाऱ्या विजय कैलास फुलझले रा. गोरक्षण वॉर्ड वर्धा यांना ताब्यात घेवून त्याच्याविरुद्ध दारूबंदी कायद्यान्वये गुन्हा दाखल करीत त्यास अटक केली आहे. ही कारवाई वरिष्ठ अधिकाऱ्यांच्या मार्गदर्शनात प्रशांत ठोंबरे, अजय वानखेडे, रवी घाटुरले, विवेक वाकडे आदींनी केली.

বিস্তারিত পড়ুন

दारूने भरलेला ट्रक पलटला;नागरिकांनी दारू केली लंपास

शंकरपूर/प्रतिनिधी:

शंकरपुर पासून ४ किमी अंतरावर देशी दारूने भरलेल्या पिकप ट्रक गुरुवारी रात्री ८ वाजताच्या सुमारास पलटला. शंकरपूर-चिमूर रोडवर टाकळी गावच्या समोर हि घटना घडली.ट्रक पलटी होताच चालक व साथीदार  घटना स्थळावरून फरार झाले.मिनी ट्रक क्रमांक MH 40 Y 8140 या ट्रकमधून वाहतूक करत होता. जिल्ह्यात दारूबंदी असतांना जिल्ह्याच्या हदीतून हि दारूची वाहतूक होत होती.चालकाचे नियंत्रण सुटल्याने गाडी रस्त्याच्या  खाली जाऊन पलटली असे सांगण्यात येत आहे. याची माहिती मिळताच पोलिसांनी घटनास्थळ गाठून अपघात झालेली गाडी ताब्यात घेतली असता गाडीत सरकीच्या खाली २० हजाराची दारू व  वाहनांची किंमत ५ लाख रुपये असे एकूण ५ लाख २० हजाराचा मुद्देमाल जप्त करण्यात आला,पोलीस घटना स्थळ गाठत परियंत नागरिकांनी बरीच दारू लंपास केली होती.  या घटनेंत चालक व त्याचे साथीदार फरार झाले असून पोलिसांनी त्याच्यावर गुन्हा दाखल केला आहे. मात्र जिल्ह्यात दारू बंदी असतांना दारू येतेच कशी चर्चा देखील घटनास्थळी बोलल्या जात होती.

বিস্তারিত পড়ুন

३१ लाखाची दारू सिनेस्टाईल पाठलाग करून पोलिसांनी केली जप्त

चंद्रपूर/प्रतिनिधी:

चंद्रपूर जिल्ह्यात दारूबंदी होऊन तब्बल तीन वर्षे तीन महिने झाले. असे असले तरी मात्र जिल्ह्याच्या विविध ठिकाणी आताही अनेक छुप्या व अवैध पद्धतीने दारू आणून विकली जात आहे,शनिवारी रात्री १२ वाजताच्या सुमारास शहरातील रामनगर पोलीस स्टेशन हद्दीत एका ट्रकमध्ये तब्बल ३५० पेट्या अवैध दारू वाहतूक केली जात असल्याच्या गुप्त माहिती स्थानिक गुन्हे शाखा पोलिसांना मिळाली या माहितीच्या आधारे उपविभागीय पोलीस अधिकारी सुशीलकुमार नायक यांच्या पथकाने या ट्रक क्रमांक MH 34 M 6396 ट्रकचा पाठलाग केला व ट्रक जप्त केला.हा पाठलाग काही साधा सुधा नसून एखाद्या सिनेमाच्या चोर पोलिसाच्या पाठ्लागासारखा होता.भर पावसात रात्री १२ वाजता रामनगर पोलिसांना या ट्रक चालकाने चकमा देत शहरातील सावरकर चौक ते वारोरा नाका पुलीया,पत्रकार भवन चौक ते प्रियदर्शनी इंदिरा गांधी चौक, प्रियदर्शनी इंदिरा गांधी चौक ते सपना टॉकीज मार्गे पोलिसांना पाठलाग करत थेट रेल्वे स्टेशन परिसरात धावायला लावले.यात पोलिसांची गाडीवरील सायरन सुरु असल्याने  उपस्थितांचे लक्ष या घटनेकडे गेले, हा ट्रक रेल्वेस्टेशन परिसरातील एका खड्यात फसला.

आणि ३५० पेट्या दारूचा ट्रक पकडण्यात रामनगर पोलिसांना यश आले.यात १५६ खोके १६६०० निपा देशी दारू(टॅंगो) किंमत ११,४०,०००, ११४ खोके ११४०० निपा देशी दारू (संत्रा) किंमत ४,२४,८०० ,३० खोके १४१६  मॅकडॉल किंमत १,००,८००, १४ खोके ३३६  कॅन बिअर किंमत १५,००,००० व मुद्देमालासोबत ऐकून ५०,३०,३०० रुपयाचा मुद्देमाल जप्त करण्यात आला. यात एका आरोपीला अटक करण्यात आली आहे. यात आणखी काही बडे मासे अडकण्याची शक्यता पोलीस विभागाकडून व्यक्त केली जात आहे.यात कोणाचेही नाव सध्यातरी समोर आले नसून पुढील तपास रामनगर पोलीस करत आहे. 

अवैध पणे दारू वाहतूक करीत असतांना पोलिसांच्या हाती न लागण्यासाठी ट्रकचालकाने वाहन चालविण्याचे सर्व नियम धाब्याबर बसविले. व सुसाट गाडी रोडवर पळवीत राहिला.रात्रीची वेळ व पाऊस सुरु असल्याने रोडवर तितकी गर्दी नव्हती मात्र  ने  त्याच वेळीस जर पाऊस नसता तर ५-५० लोकांना या ट्रकचालकाणे नक्कीच चिरडले असते हे मात्र नक्की.

বিস্তারিত পড়ুন

दारू विका, पण जाहिरात नको

नागपूर/प्रतिनिधी:

मद्यविक्री केंद्रांवरील फ्लेक्सवर वेगवेगळ्या ब्रॅण्डच्या जाहिराती झळकत होत्या. मात्र आता मद्याची कुठलीही जाहिरात मद्यालयावर लावता येणार नाही. केवळ परवानाधारकाचे नाव आणि परवाना क्रमांकच मद्यविक्री केंद्रांवर टाकता येईल. येत्या आठ दिवसांत मद्याच्या जाहिरातीचे साइन बोर्ड काढून टाका असे आदेश राज्य उत्पादन शुल्क विभागाने दिले.

मद्यालयावरील मद्याच्या आकर्षक फ्लेक्समुळे मद्य पिण्याकडे अनेकजण आकर्षित होऊ शकतात. लहान मुलांवर, विद्यार्थ्यांवर त्याचे दुष्परिणाम होण्याची भीती राज्य शासनाने वर्तविली. त्यामुळे कोणत्याही दुकानांवर आता मद्याचे छायाचित्र किंवा जाहिरात करता येणार नसल्याच्या सूचना राज्य उत्पादन शुल्क विभागाने सर्व मद्य विक्रेत्यांना दिल्या आहेत. मद्य विक्रीला प्रोत्साहन देता येणार नाही. आठ दिवसांत फ्लेक्स काढले नाही तर परवाना रद्द करणे किंवा ५० हजार रुपयांचा दंड अशी कारवाई करण्याचा इशारा उत्पादन शुल्क विभागाने दिला आहे. नागपूर जिल्ह्यात ५९६ बिअरबार, ११८ वाइनशॉप, २६८ देशी दारूचे दुकान, ८२ बिअरशॉपी आहेत.

बोर्डवर झाकले कापड

मद्य विक्रीकेंद्रांवर करण्यात आलेल्या जाहिराती मद्य निर्मिती करणाऱ्या कंपन्यांनी केल्या आहेत. या जाहिराती आम्ही काढू शकत नाही. यासाठी संबंधित कंपनीकडे आम्ही सूचना दिली आहेत. त्या कंपनीचे प्रतिनिधी येऊन या जाहिराती काढतील, असे मद्य विक्रेत्यांनी राज्य उत्पादन शुल्क विभागाला कळविले आहे. फ्लेक्स काढेपर्यंत त्यावर मद्यविक्रेत्यांनी कापड झाकले आहेत. येत्या आठ दिवसांत फ्लेक्स काढण्यात येईल, असे मद्य विक्रेत्यांनी सांगितले.

असे लावा साइन बोर्ड

दुकानाच्या प्रवेशद्वाराजवळ साइन बोर्ड असावे. ६० बाय ९० सेंटीमीटरच्या साइन बोर्डवर परवानाधारकाचे नाव, परवाना क्रमांक, दुकानाचा पत्ता, दुकान सुरू करण्याची आणि बंद करण्याची वेळ. चटकन लक्षात येईल अशा ठिकाणी परवाना लटकविणे आवश्यक असल्याच्या सूचना राज्य उत्पादन शुल्क विभागाने दिल्या आहेत.

-----------------------------------------------------------------------

जाहिरात...

भारतात पहिल्यांदा जागतिक पातळीवरील एक अग्रगण्य कंपनी घेऊन आली, कुक्कुट पालन ,मत्स्य पालन,शेळी पालन,दुध डेअरी यासारख्या संपूर्ण व्यवसायासाठी लागणारे संपूर्ण प्रशिक्षण व मार्गदर्शन मिळणार अगदी निशुल्क, याच सोबत पशुखाद्य,पिल्ले,औषधी, या सारख्या संपूर्ण goods अतिशय अल्प दरात उपलब्ध ...त्यासाठी संपर्क करा:९१७५९३७९२५ या क्रमांकावर (घरपोच सेवा उपलब्ध) 

বিস্তারিত পড়ুন

बियरसह ६५ पेट्या दारू जप्त ;एकाला अटक

चंद्रपूर/प्रतिनिधी:

जिल्ह्यात दारूबंदी असतांना देखील दोन वाहनातून विदेशी दारूची तस्करी करणाऱ्याला  रामनगर पोलिसांनी   जप्त केले आहे  पोलिसांनी बुधवारी रात्री १० वाजताच्या सुमारास विवेकनरात ही कारवाई केली़ या प्रकरणात प्रदीप जयस्वाल याला अटक करण्यात आली़

विवेकनगरातील प्रदीप जयस्वाल यांच्याकडे मोठ्या प्रमाणात दारुची उलाढाल होणार असल्याची गुप्त माहिती    रामनगर पोलिसांना मिळाली़ या माहितीच्या आधारे पोलिसांच्या पथकाने प्रदीप जयस्वाल यांच्या राहत्या घरी छापा मारला त्यात जयस्वाल यांच्या घरी असलेल्या दोन चार चाकी गाड्यांची झडती घेतली. त्यात बियरसह ६५ पेट्या दारू जप्त करण्यात आली असून, एमएच ३१/ईए ३७५४, एमएच ३४/एए १३७८ ही दोन वाहने असा एकूण २३ लाखांचा मुद्देमाल पोलिसांनी जप्त केला आहे़

सदरची कारवाई उपविभागीय पोलीस अधिकारी सुशीलकुमार नायक यांच्या मार्गदर्शनात रामनगरचे ठाणेदार दीपक गोतमारे, साहाय्यक पोलीस निरीक्षक धनंजय सायरे यांच्या नेतृत्वात प्रमोद कोटनाके, राकेेश निमगडे, नीलेश मुडे यांच्या पथकाने ही कारवाई केली़

বিস্তারিত পড়ুন

चंद्रपुरात ब्रॅण्डेड विदेशी दारूसाठा जप्त

चंद्रपूर/प्रतिनिधी:
जिल्ह्यात दारूबंदी असतांना देखील विविध छुप्या मार्गाने दारूची तस्करी केल्या जात आहे,अश्याच पद्धतीने दारू आणणाऱ्या एका स्वीफ्ट डिझायर गाडीला स्थानिक गुन्हे शाखेच्या पथकाने जप्त केली आहे. 
नागपूरहून एम.एच.०२ बी.आर.१२६७ क्रमांकाच्या चारचाकी वाहनाने ब्रॅण्डेड कंपनीच्या विदेशी दारू चंद्रपुरात आणली जात असल्याची माहिती स्थानिक गुन्हे शाखेचे पोलिस निरीक्षक सुधाकर अंभोरे यांना मिळाली. त्यानंतर पोलिस उपनिरीक्षक वैरागडे यांच्या नेतृत्त्वातील चमूने जगन्नाथबाबा नगर परिसरात नाकाबंदी करून नागपूरहून येणाऱ्या एम.एच.०२.बी.आर.१२६७ क्रमांकाच्या चारचाकी वाहनाची झडती घेतली असता तपासणीत वाहनात अ‍ॅन्टीक्युटी, मॅकडॉल, पोर्ट वाईन या ब्रॅण्डेड कंपनीसह व अन्य कंपन्यांचा दारूसाठा आढळून आला.
यात १७ बॉक्समध्ये १२० बॉटल्स होत्या.पोलिसांनी दारूसाठा आणि चारचाकी वाहन असा एकूण आठ लाख ५८ हजार ८०० रुपयांचा मुद्देमाल जप्त केला असुन चालकाविरुद्ध रामनगर पोलिस ठाण्यात गुन्हा दाखल करण्यात आला आहे.याप्रकरणी एकाला अटक करण्यात आली असुन दोघे फरार आहेत.

 

বিস্তারিত পড়ুন

दारू तस्करीसाठी कापसाचा आधार

घोडपेठ/प्रतीनिधी:
जिल्ह्यात दारूबंदी आहे. मात्र, याच काळात अवैध दारूची वाहतूक करण्यासाठी तस्करांकडून विविध प्रकारचे शोध लावण्यात आल्याचे समोर आले आहे. चंद्रपूर जिल्ह्यात कापूस उत्पादक शेतकरी मोठ्या प्रमाणावर असल्याने वाहनाने कापूस विकण्यासाठी शेतकऱ्यांची सध्या लगबग सुरू आहे. मात्र याचा फायदा घेत कापसाच्या आड दारूतस्करीचा प्रयत्न करणाऱ्या दोघांना पडोली पोलिसांनी शनिवारी रात्री अटक केली. दारूतस्करी करण्यासाठी वापरण्यात आलेली ही शक्कल पाहून पोलिसांसह अनेकांना आश्चर्याचा धक्काच बसला.
पडोली पोलीस स्टेशनचे प्रभारी अधिकारी आर. के. सिंगनजुडे शनिवारी रात्री गस्तीवर असताना गुप्त सुत्रांकडून मिळालेल्या माहितीच्या आधारे चंद्रपूर-नागपूर महामार्गावर सापळा रचून दारूची वाहतूक करणाऱ्या वाहनांची तपासणी सुरू केली. दरम्यान, रात्री १०.३० वाजताच्या सुमारास नागपूरकडून चंद्रपूरकडे येणाऱ्या अशोक लेलॅन्ड कंपनीच्या पिकअप वाहनाला पोलिसांनी थांबविले. पिकअप वाहनाची (क्रमांक एमएच ३१ ईएन ०८६९) झडती घेतली असता कापसाची पीक आढळून आले. आणखी खोलात तपासणी केली असता कापसामध्ये ११५ खर्ड्यांच्या खोक्यात प्रत्येकी ९० मिलीच्या ११ हजार ५०० देशी दारूच्या बॉटल्स आढळून आल्या. संपूर्ण दारू, ५० किलो कापूस व दोन मोबाइल, असा ११ लाख ५० हजार रुपये किमतीचा मुद्देमाल आणि दारू तस्क़रीकरिता वापरलेले वाहन, असा एकूण १४ लाख ५४ हजार रुपयांचा मुद्देमाल हस्तगत करण्यात आला आहे. सदर प्रकरणाची पोलीस स्टेशन पडोली येथे नोंद करण्यात आली असून आरोपी विनोद तुकाराम आडे व मुन्ना आनंदराव कांबळे दोन्ही रा. वर्धा यांना अटक करण्यात आलेली आहे.

বিস্তারিত পড়ুন

15 हजाराची लाच घेतांना सहाय्यक पोलीस उपनिरीक्षकास रंगेहात अटक

चंद्रपूर/प्रतिनिधी: 

अवैध दारू विक्री प्रकरणात चंद्रपूर शहरातील  दुर्गापूर पोलिस स्टेशनचे  सहाय्यक पोलीस उपनिरीक्षक चौखाजी मारोती पिपरे  बक्कल नंबर. 280 

यांना चंद्रपूर लाचलुचपत प्रतिबंधक विभागा मार्फत  15 हजाराची लाच स्वीकारताना रंगेहात अटक करण्यात आली .पिपरे हे दुर्गापूर पोलिस स्टेशनचे विद्यमान ठानेदार यादव यांचे रायटर म्हणुन सम्पूर्ण काम सांभाळत असल्याची माहिती आहे.

दारू विक्रीचा खोटा पंचनामा करत दुचाकी व मोबाइल जप्त केला यात गुन्ह्यात जप्त झालेला मुद्देमाल परत करण्यासाठी सहाय्यक पोलीस उपनिरीक्षक चौखाजी मारोती पिपरे यांनी आरोपिस 25000 रूपयाची  मागणी केली.मात्र तितकी रक्कम शक्य नसल्याने शेवटी 15 हजार रुपयांवर तडजोड करण्यात आली व ते पोलिस स्टेशनमध्येच देण्याचे ठरविले. या संपूर्ण प्रकरणाची माहिती दारू विक्रेत्याने चंद्रपूर लाचलुचपत प्रतिबंधक विभाग यांच्याकडे दिली होती.  त्यानुसार  बुधवारी  सापळा रचून  15 हजार रुपये रोख स्वीकारताना  लाचलुचपत प्रतिबंधक विभागाने पोलिस स्टेशनमध्येच पिपरे यांना अटक केली.

 जिल्ह्यात दारूबंदी असतांनादेखील विविध प्रकारे जिल्ह्याभरात दारूचा अवैध साठा येतो व तो शहरातील विविध भागातील विकला देखील जातो त्याला पोलिस विभागाचे पाठबळ असल्याचे या प्रकरणातून विश्वासीत समोर येत आहे.आरोपी पिपरे यांचे अवैध धंदेवाल्यांसोबत गोड संबंध असल्याचे देखील सांगण्यात येत आहे.

सदरची कारवाई पोलीस उपायुक्त /पोलीस अधीक्षक श्री.पी.आर.पाटील ला.प्र.वि. नागपूर तसेच पोलीस उप अधीक्षक डी.एम. घुगे,  ला.प्र.वि.चंद्रपूर यांच्या मार्गदर्शनात पोलीस निरीक्षक सचिन म्हेत्रे व पो.हवालदार मनोहर एकोणकर , ना.पो.का संतोष येलपुलवार महेश मांढरे,सुभाष गोहोकर,भास्कर चिंचवलकर, मनोज पिदूरकर, समीक्षा भोंगडे,राहुल ठाकरे  यांनी पार पडली  

বিস্তারিত পড়ুন

पोलिसांनी सिनेस्टाईलने पाठलाग करून पकडली 48 पेटया अवैध दारू.

वरोरा/प्रतिनिधी:

वरोरा उपविभागीय पोलीस पथकाने आज (मंगळवारी) सकाळी अवैधरित्या दारू पुरवठा करणाऱ्यांचा सिनेस्टाइल पाठलाग करून तब्ब्ल 48 पेट्या दारू जप्त केली आहे. यात एका आरोपीस अटक करण्यात आली असून एक फरार झाला आहे.

वरोरा उपविभागीय पोलीस विशेष पथकाला शहरात एका लक्झरी वाहनातून अवैध दारू आणली जाणार असल्याची गुप्त माहिती मिळाली होती. या माहितीवरून सापळा रचला गेला. शहरातून नागपुर चंद्रपूर मार्ग जातो. पोलिसांणी इशारा देऊनही गाड़ी न थांबवता भरधाव वेगाने पुढे या वाहनाचा विशेष पथकाने पाठलाग केला. दरम्यान गाड़ी शेतशिवारातून टाकली मात्र पुढे निघने अशक्य झाल्याने तितक्याच तिसऱ्या पोलिस पथकाने आरोपिस पकड़ले यात  महिंद्रा  x u v mh.20.cs.7194 गाड़ीतुन 48 पेटया देशी विदेशी दारू जप्त केली. 

सदरची कारवाई वरोरा उपविभागीय पोलिस अधिकारी प्रताप पवार यांच्या मार्गदर्शनात प्रदीप पाटील ,अनिल बैठा, सचिन थेरे, संतोष निषाद, निखिल कौरासे यांनी केली असून पुढील कारवाई वरोरा पोलिस करत आहेत .

বিস্তারিত পড়ুন

बेलोरा वाहनातून 22 लाखांची दारू जप्त

वरोरा उपविभागीय पोलीस अधिकारी यांच्या पथकाने बेलोरा वाहनातून 22 लाखांची दारू जप्त केली

বিস্তারিত পড়ুন

दारूबंदी उठवा; लिकर असोशिएशनचे शरद पवारांना निवेदन

चंद्रपूर/प्रतिनिधी:
जिल्ह्यातील दारूबंदीमुळे अनेक लोकांचे परिवार रस्त्यावर आले. अनेक लोकांच्या हातून काम गेले त्यांच्या रोजगाराचा प्रश्न निर्माण झाला,राज्यशासनाच्या कोट्यवधींचा महसूल बुडाला, त्यामुळे हि फसवी दारूबंदी उठविण्यासाठी चंद्रपूर येथे राष्ट्रवादी काँग्रेसचे अध्यक्ष शरद पवार यांना लिकर असोशिएशनच्या माध्यमातून निवेदन देण्यात आले.शरद पवार हे दोन दिवसीय चंद्रपूर जिल्ह्याच्या दौऱ्यावर आहे.त्यावेळी  शासकीय विश्रामगृहात हे निवेदन देण्यात आले.
करोडोचे कर्ज परवाना धारक बार मालकावर आहे,दारूबंदी झाल्यानंतर प्रत्येक महिन्यात पोलीस करोडो रुपयाची दारू जप्त करत आहे.यावर दारूबंदी पूर्णतः फसली आहे,अशी हि फसवी दारूबंदी उठविण्यासाठी व शासनाचा कोट्यावधीचा महसूल भरून काढण्यासाठी चंद्रपूर जिल्यातील दारूबंदी उठविण्यासाठी हे निवेदन देण्यात आले.यावेळी राष्ट्रवादीचे नगरसेवक दीपक जयस्वाल,यांच्यासह लिकर असोशिएशनचे पदाधिकारी उपस्थित होते.

বিস্তারিত পড়ুন

अमृताताई, आमचे सौभाग्य वाचवा; चंद्रपूर पाठोपाठ यवतमाळ जिल्ह्यात दारू बंदीची मागणी

 यवतमाळ प्रतिनिधी:
चंद्रपूर जिल्यापाठोपाठ गेल्या काही वर्पापासून यवतमाळ जिल्ह्यातदेखील दारू बंदीची मागणी गेल्या काही दिवसांपासून जोर धरू लागली असतांनाच यवतमाळ जिल्ह्यात दारूबंदीचे अनेक आंदोलन होऊनही निर्णय घेण्यात आला नाही. म्हणून रविवारी यवतमाळ जिल्ह्यातील महिलांनी थेट मुख्यमंत्री देवेंद्र फडणवीस यांच्या पत्नी अमृता यांच्या नावे पत्र लिहून ‘दारूमुळे होणारे आमचे संसार वाचविण्यासाठी मुख्यमंत्री देवेंद्र फडणवीस यांना लक्ष घालायला सांगा,’ असे आवाहन केले.

स्वामिनी जिल्हा दारूबंदी अभियान गेल्या तीन वर्षांपासून जिल्ह्यात दारूबंदीसाठी आंदोलन होत आहेत. मात्र त्याची दखल घेण्यात येत नाही. म्हणून एक महिलाच या महिलांचे दुःख समजतील म्हणून स्वामिनीच्या आंदोलक महिलांनी मुख्यमंत्री यांच्या पत्नीला पत्र लिहून आपल्या वेदना कळविल्या आहेत. यवतमाळ जिल्ह्यातून सोळाही तालुक्यांतून दहा हजार महिलांनी हे पत्र लिहिले आहेत. अनेक महिलांनी या पत्रातून दारूमुळे आपल्या संसाराची होणारी वाताहत मांडली आहे. स्वामिनीचे मुख्य निमंत्रक महेश पवार म्हणाले, गेल्या तीन वर्षांपासून यवतमाळ जिल्हा दारूमुक्त होण्यासाठी आंदोलन सुरू आहे. तरुण पिढी दारूच्या विळख्यात सापडली आहे. महिला संसार चालविण्यासाठी दिवसभर शेतात मजुरी करून परत येतात. त्यावेळी तिचा पती मजुरीचे पैसे घेऊन तिला मारहाण करतो. इतके विदारक चित्र जिल्ह्यात आहे’ असेही त्यांनी सांगितले. चंद्रपूर जिल्ह्यात दारूबंदी लागू झाल्यानंतर यवतमाळ जिल्ह्यातूनही दारूबंदीची मागणी जोर धरू लागली आहे

বিস্তারিত পড়ুন