by 
सुमारे दीड वर्षांपूर्वी पांढरकवडा तालुक्यातील टिपेश्वर अभयारण्यात वन्यप्राण्यांसाठी लावलेल्या सापळ्याचा तार वाघाच्या गळ्यात अडकल्यामुळे वाघाच्या गळ्याला गंभीर जखम झाली. अनेक प्रयत्न करूनही वाघाच्या गळ्यातील हा तार काढण्यात वन विभागाला यश आले नाही. आता गेल्या चार महिन्यांपासून हा जखमी वाघच अभयारण्यातून बेपत्ता झाल्याने वन्यजीवप्रेमींमध्ये चिंता व्यक्त होत आहे.
