by 
चंद्रपूर /ललित लांजेवार
वाघांसाठी प्रसिद्ध असलेल्या जिल्ह्यात आणखी एका छावा मादीचा मृत्यू झाल्याची घटना सोमवारी उजेडात आली.
ब्रह्मपुरी वनविभागाच्या तळोधी (बा.) वनपरिक्षेत्रातील गंगासागर हेटी बिटात मंगळवारी आढळलेल्या दोन महिन्यांच्या वाघाच्या बछड्याचा रविवारी रात्री येथील वन्यजीव उपचार केंद्रात मृत्यू झाला.
तळोधी वनपरिक्षेत्रातील गट क्रमांक १७४ (गंगासागर हेटी) मध्ये वाघाचा एक मादी बछडा उपाशी व अशक्त अवस्थेत मंगळवारी दुपारच्या सुमारास आढळून आला होता.तेव्हापासून वनकर्मचारीव अधिकारी या वाघाच्या बछड्या लक्ष ठेवून होते.हा बछडा आपल्या आई पासून दुरावल्याने सतत दोन दिवस परीक्षेत्रातले वनकर्मचाऱ्यांनी बछड्याला अशक्त अवस्थेत असलेल्याच ठिकाणी ठेऊन त्या वाघिणीची वाट बघत होते. मात्र दोन दिवस लोटूनही ती न आल्याने गुरुवारी मध्यरात्री बछड्याला चंद्रपूर येथील वन्यजीव उपचार केंद्रात आणण्यात आले. येथे आवश्यकतेनुसार पशु वैद्यकीय अधिकारी डॉ. पी.एस. दामले, डॉ. निलेश खलाटे, डॉ. कुंदन पोडचलवार, डॉ. रविकांत खोब्रागडे यांच्याकडून बछड्यावर उपचार करण्यात येत होते. मात्र बछड्याचा प्रकृतीत सुधारणा न झाल्याने रविवारी रात्री त्याचा मृत्यू झाला.बछड्याचे शवविच्छेदन करून शरिराचे काही अवयव उत्तरीय तपासणीसाठी प्रयोगशाळेत पाठविण्यात आले आहे, अशी माहिती चंद्रपूरचे वनपरिक्षेत्र अधिकारी संतोष थिपे यांनी दिली. यावेळी विभागीय वनाधिकारी अशोक सोनकुसरे, विभागीय वन अधिकारी (दक्षता) बी.पी. ब्राम्हणे उपस्थित होते.
गेल्या चार दिवसांपासून चिमूर वन परिक्षेत्रातील मुरपार उपक्षेत्रा अतंर्गत येणाऱ्या भान्सुली बिट कक्ष क्रमांक ५ मधील जखमी वाघाचा रविवारी दुपारी २.३० वाजताच्या सुमारास अखेर मृत्यू झाला.
हा वाघ मागील चार दिवसांपासून गाव तलावा शेजारी बसला होता, त्याच्या डोक्यावर व उजव्या पायाला जखमा असल्याचे आढळून आले होते,त्यामुळे अश्या जखमी वाघाची प्रकृती अतिशयखालावत असतानाही वनविभागाकडून त्याच्यावर उपचार केला जात नसल्याने संताप व्यक्त केला जात होता.
या आधी चिमूर तालुक्यातील आमडी बेगडे शेतशिवारात शेतीच्या कुंपणात वीज प्रवाह सोडल्यामुळे ८ नोव्हेंबर २०१७ ला वाघाचा मृत्यू झाला होता. गेल्या काही दिवसा अगोदर चंद्रपूर जिल्ह्यातील सिंदेवाही तालुक्यातील पळसगाव बिटात दोन पट्टेदार वाघाच्या झुंजीत एक वाघ मृतावस्थेत आढळून आल्याची घटना घडली होती.याच घटने पासून तब्बल १० दिवसातच तेथून जवळच असलेल्या तळोधी वनपरिक्षेत्रांतर्गत येत असलेल्या परिसरातील गंगासागर हेटी बिट जंगल परिसरात वाघिणीचा मृतदेह कुजलेल्या अवस्थेत आढळून आला. त्यामुळे वारंवार होत असलेल्या वाघांचा मृत्यू वनविभागाच्या चांगलाच जिव्हारी लागू शकण्याची शक्यता वर्तविली जात आहे.
पर्यटकांना दिल खुलास दर्शन देऊन पर्यटकांच्या डोळ्याचे पारणे फेडणाऱ्याच वाघांचे एक-एक करून होणारे मृत्यू हा चिंतेचा विषय आहे.असा सुर येथे येणाऱ्या अनेक पर्यटकांन कडून ऐकायला मिळत आहे. मागील काही वर्षात वाघ दर्शनाच्या निमित्ताने येणाऱ्या पर्यटकांच्या संख्येत याठिकाणी बरीच वाढ झाली होती. यानिमित्तानं वाढता पर्यटकांचा ओघ पाहता वन विभागाने प्रवेश शुल्क आदीत ही दुपटीने वाढ केली होती. अश्यातच दिवसेंदिवस वाघांचा एकापाठोपाठ अरे मृत्यू चिंतेची बाब आहे
एका पाठोपाठ एक अश्या प्रकारे होणारे वाघाचा मृत्यू तसेच एकाच दिवशी जखमी वाघ आणि बछड्याचा मृत्यू झाल्यामुळे वन्यजीवप्रेमींमध्ये नैराश्य पसरले आहे.दिवसेनदिवस होणारे वाघाचे मृत्यू हा विषय अतिशय संवेदनशील बनत चालला असून यावर चिंता व्यक्त केली जात आहे .
त्या वाघाच्या मृत्यूची चौकशी करा;मनगंटीवारांचे आदेश
चंद्रपूर/ललित लांजेवार:
चंद्रपूर जिल्हयातील चिमूर वनपरिक्षेत्रातील भान्सुली वन बीट मध्ये झालेल्या वाघाच्या मृत्यु प्रकरणाची तातडीने सखोल चौकशी करण्यात यावी व दोषींवर कडक कारवाई करावी असे आदेश वनमंत्री सुधीर मुनगंटीवार यांनी वरिष्ठ वनाधिकार्यांना दिले आहेत.
जखमी वाघावर तातडीने उपचार करण्याची आवश्यकता असताना उपचार करण्यात आले नाही तसेच ट्रॅक्युलायझेशनची परवानगी देण्यासाठी विलंब करण्यात आला या बाबी अतिशय गंभीर आहेत. वन विभागातर्फे व्याघ्र संवर्धन व संरक्षण या संदर्भात प्रभावी उपाययोजना करण्यात येत असताना अशा घटना घडणे ही दुर्देवी बाब आहे. या प्रकरणी चौकशीअंती दोषींवर कारवाई करावी व अशा घटनांची पुनरावृत्ती होणार नाही याची खबरदारी घ्यावी अशा सूचना वनमंत्री सुधीर मुनगंटीवार यांनी वन विभागाचे सचिव तसेच वन्यजीव विभागाचे प्रधान मुख्य वनसंरक्षक यांना दिल्या आहेत.
