by
केंद्रीय गृहमंत्रालयाच्या गुप्तवार्ता विभागात विविध जागांसाठी भरती होणार आहे. गुप्तवार्ता विभागात स्वीय सहायक, कनिष्ठ गृप्तवार्ता अधिकारी(तांत्रिक) या जागांसाठी पात्र उमेदवारांकडून अर्ज मागवण्यात आले आहेत. स्वीय सहाय्यक पदासाठी उमेदवार बारावी पास असणे आवश्यक असून त्याला टायपिंग येत असावे. तर कनिष्ठ गुप्तवार्ता अधिकारी या पदासाठी मॅट्रिक असण्यासोबतच रेडिओ टेक्निशिअन अथवा तत्सम आयटीआय केलेला असावा. या पदासाठी वयोमर्यादा १८ ते २७ वर्षे इतके आहे. तर मागासवर्गीय उमेदवारांसाठी वयोमर्यादा सरकारी नियमानुसार शिथिलशम असणार आहे. इच्छुक उमेदवारांनी आपले अर्ज ऑनलाईन भरावेत.
ऑनलाईन अर्ज करण्याची अंतिम मुदत २ जून २०१४ आहे. अर्ज करण्यासाठी उमेदवाराने गृहमंत्रालायाच्या संकेतस्थळावर आपला ई-मेल आयडी व पासवर्ड तयार करावा. तसेच दस्तावेज, पासजपोर्ट साईज फोटो व सही स्कॅन करून अर्ज भरता येणार आहेत. या सर्व पदासाठी एक लेखी परिक्षा आणि त्यानंतर स्किल टेस्ट घेऊनच भरती केली जाणार आहे.
