by
कारंजा (घा.)उमेश तिवारी/प्रतिनिधी:
कारंजा घाडगे दि १६ आॅगष्ट येथील खर्डीपुरा परीसरातील गावाबाहेरील सुरेश कुरवाडे यांचे मालकीचे जनावरांच्या गोठ्याला रात्री १२ वाजताचे दरम्यान आग लागल्याची घटना घडली.या आगीत दोन बैल जळून मृत्यूमुखी पडले असून एक गाय व एक वासरू जळाल्यामुळे गंभीर जख्मी झाले . या आगीत अंदाजे दिड लाखाचे नुकसान झाले.घटनेचे वृत्त समजताच परीसरातील नागरीकांनी घटनास्थळाकडे धाव घेत मिळेल तेथून पाणी आणून आग विझविली.या आगीत शेतीला लागणारी असणारे,लाकुडफाटा,औषधी , कवेलू जळाल्याने बरेच नुकसान झाले. तहसीलचे कारंजा मंडळ निरीक्षक पी.के.आत्राम यांनी घटनास्थळावर जाऊन पंचनामा केला.पोलीसा तर्फे घटनेचा तपास करण्यात येत आहे. आगीचे कारण मात्र कळू शकले नाही.
