by ऊपचारासाठी नागपूरला रवानगी
तालुका प्रतिनिधी/रामटेक
तालुक्यातील पवनी वनपरिक्षेत्रांतर्गत मोगरकसा जंगलातील वनविकास वनविकास महामंडळाच्या वन कक्ष क्रमांक 440 मध्ये आपल्या घरच्या गायी-म्हशी चरायला घेवून गेले असतांना मौजा सालई येथील गुराखी दुलीचंद झिंगरु मेहर वय-५५ वर्षे यांच्यावर वाघाने हल्ला केला.या हल्ल्यात ते गंभीर जखमी झालेत.ही घटना दिनांक ६ आगष्ट २०१८ रोजी दुपारी तीन वाजताच्या सुमारास घडली.याबाबत लगेच पवनीचे वनपरीक्षेत्र अधिकारी किशोर कैलुके व त्यांच्या अधिनस्त अन्य वन्य कर्मचाऱ्यांना कळविण्यात आले गंभीर जखमी मेहर यांना तात्काळ उपचारासाठी नागपूरला पाठविण्यात आले. डॉक्टर रहाटे यांच्या सेवन स्टार मल्टी स्पेशालिटी हॉस्पिटलमध्ये ते उपचार घेत आसल्याचे किशोर कैलुके यांनी सांगितले. विशेष बाब अशी की वनविकास महामंडळाच्या याच कंपार्टमेंटमध्ये मागच्यावेळी मे महिन्यात जखमी वाघ आढळून आला होता.वन विभागाने बरेच प्रयत्न करूनही त्याला पकडण्यात यश आले नव्हते.
