बसच्या धडकेत युवक जागीच ठार

नारा रोडवर ARC कॉन्व्हेंट जवळ भयानक अपघात

प्रतिनिधी:कारंजा (घाडगे)

काटोल कारंजा मार्गे नरखेड जाणाऱ्या बसच्या धडकेत एक युवक जागीच ठार झाल्याची धक्कादायक घटना आज सकाळी 9:30 च्या सुमारास नारा रोडवर ARC कॉन्व्हेंट जवळ घडली.रोशन गोविंदराव टिपले राहणार पारडी ता.आष्टी जिल्हा वर्धा असे या मृत व्यक्तीचे नाव आहे.

रोषण हा MH 32 Ac 0517 होंडा shine ने नेहमी प्रमाणे आपल्या कामावर जात होता. काटोल डेपोच्या MH 40 8389 ही बस काटोल डेपोतून कारंजा वरून नरखेड जात असताना दुचाकी स्वार रोशनला बसची जबर धडक लागल्याने तो धडकेत दूर फेकला गेला त्यात त्याच्या मेंदूला जबर मार लागला,व त्याचा जागीच मृत्यू झाला.तो प्रवर्धन सिड्स pvt.ltd मध्ये काम करत होता,अपघातानंतर घटनास्थळी चांगलीच गर्दी जमली होती.तत्काळ पोलिसांना घटनेची माहिती देण्यात आली. पुढील तपास पोलीस करीत आहेत.

শেয়ার করুন