by 
चंद्रपूर/प्रतिनिधी:
चंद्रपूर येथील समाधी वॉर्डातील रहिवासी संतोष दीक्षित यांनी स्वत:च्या घरातच झोपेच्या गोळ्या खाऊन आत्महत्या केल्याची घटना बुधवारी सकाळी उघडकीस आली. संतोष दीक्षित हे राष्ट्रीय स्वयंसेवक संघाचे प्रचारक व धर्म जागरण समितीचे सदस्य होते.
गेल्या एप्रिल महिन्यात संतोष दीक्षित यांची पाच वर्षांची मुलगी समिधाला कुलरचा शॉक लागल्याने तिचा मृत्यू झाला होता. मुलीच्या विरहात आपण गोळ्या खाऊन आत्महत्या करीत असल्याचे त्यांनी मृत्यूपुर्वी लिहून ठेवलेल्या चिठ्ठीत म्हटले आहे, असे सांगण्यात येत आहे.
