by 
गडचिरोली - जिल्हय़ातील शहीद झालेल्या पोलिस कर्मचार्‍याच्या कुटुंबीयांच्या समस्याचे वरिष्ठ पातळीवर निदान व्हावे आणि त्यांच्यात नवचैतन्य निर्माण व्हावे, या अभिनव उपक्र माच्या उद्देशाने शहीद झालेल्या पोलिस कर्मचार्‍यांच्या कुटुंबाला महाराष्ट्र दर्शन करण्याची संधी गडचिरोली पोलिस विभागाच्या वतीने उपलब्ध करून देण्यात आली. ल्ल
महाराष्ट्र दर्शनच्या नियोजित कार्यक्रमानुसार, बल्लारशाह रेल्वे स्थानकावरून बल्लारशाह-मुंबई सेवाग्राम एक्सप्रेसने पुरुष महिला सदस्यांच्या ७६ जणांच्या समूहाला रवाना होण्यापूर्वी लोहमार्ग जिल्हा नागपूर पोलिस अधीक्षक प्रकाश जाधव, चंद्रपूर जिल्हा पोलिस अधीक्षक राजीव जैन, उपविभागीय पोलिस अधिकारी यादव, जी. एस. गौतम यांच्या मार्गदर्शनात बल्लारशाह रेल्वे पोलिस चौकी परिसरात शहीदांच्या कुटुंबीयांचे पुष्प गुच्छ देवून सन्मान करण्यात आला. यावेळी शहीदांच्या कुटुंबातील अनेक सदस्यांनी आभार व्यक्त केले. सदर कार्यक्रमाच्या आयोजनासाठी मेजर दत्ता पेंडके यांच्यासह रेल्वे पोलिस कर्मचार्‍यांनी सहकार्य केले.
