चंद्रपुरातील फरार कैद्याला नागपुरात अटक

चंद्रपूर - कारागृहातून फरार झालेल्या बंदिवानाला नागपुरात तहसील पोलिसांनी वाहनचोरी प्रकरणात साथीदारासह अटक केली. नरेश कुमरे (२५ , रा. आलापल्ली , जि. गडचिरोली) व प्रमोद अरुण गेडाम (२५ रा. वणी) अशी अटकेतील आरोपींची नावे आहेत. पाच महिन्यांपूर्वी नरेश व अन्य दोन बंदीवान कारागृहातील भिंतीवरून उडी मारून फरार झाले होते. दोघांना पोलिसांनी अटक केली होती. मात्र , नरेश फरार होता. या प्रकरणात चार कर्मचाऱ्यांना निलंबितही करण्यात आले होते. वरिष्ठ पोलिस निरीक्षक प्रमोद मकेश्वर , गौतम इंगळे, संजय आठवले व त्यांच्या सहकाऱ्यांनी गुप्त माहितीच्या आधारे दोघांना अटक केली. त्यांच्याकडून दोन वाहने जप्त करण्यात आली. चौकशीदरम्यान नरेश फरार कैदी असल्याचे समोर आले. याबाबत चंद्रपूर कारागृह प्रशासनाला माहिती देण्यात आली आहे.

শেয়ার করুন