by
नागपूर/प्रतिनिधी:
थकीत वीज देयकाची वसुली करण्यासाठी गेलेले महावितरणचे हुडकेश्वर शाखा कार्यालयातील तंत्रज्ञ रामा सोनवणे यांच्यावर हल्ला करून त्यांना जखमी करण्यात आले होते. सोमवार दिनांक १आँक्टोबर रोजी सदर घटना घडली होती.
आज सकाळी नागपूर परिमंडलाचे मुख्य अभियंता दिलीप घुगल यांनी जखमी सोनवणे यांची पिपळा फाटा येथील निवासस्थानी भेट घेऊन आस्थेने प्रकृतीची विचारपुस केली. तसेच या प्रकरणी महावितरण प्रशासन खंबीरपणे आपल्या पाठीशी असल्याची ग्वाही दिली. यावेळी त्यांच्या समवेत अधिक्षक अभियंता मनिष वाठ,नारायण आमझरे, कार्यकारी अभियंता कुंदन भिसे उपस्थित होते.फोटो ओळ-रामा सोनवणे यांच्या प्रकृतीची विचारपूस करताना मुख्य अभियंता घुगल सोबत अन्य अधिकारी
