by
चंद्रपूर/प्रतिनिधी:
चंद्रपूर- जिल्ह्यातील सिंदेवाही तालुक्यात पुन्हा एकदा वाघाचा मृत्यू झाला असल्याची घटना उघडकीस आल्याने वनविभाग खडबडून जागे झाले आहे.
चारगाव बीटा पासून सुमारे दोन किमी अंतरावर जंगलात मंगळवारी सकाळी एका पट्टेदार वाघाचा मृतदेह आढळून आल्याने एकच खळबळ उडाली. घटनेची माहिती मिळताच वनविभागाच्या अधिकाऱ्यांनी घटनास्थळी धाव घेत चौकशी चालू केली.
सखोल चौकशी अंती या वाघाचा मृत्यू हा दोन वाघाच्या झुंझीत झाला असल्याचे प्राथमिक अंदाज वर्तविला जात आहे . मृत वाघाचे वय हे अंदाजे वय ६-७ वर्षे असून हा नर वाघ आहे .वनविभागाची झोप उडविणाऱ्या जय वाघाचा मुलगा "बिट्टू" या परिसरात फिरत असल्याची माहिती वनविभागाच्या सूत्राने दिली. दुसऱ्या मृत वाघाची या परिसरात अद्याप नोंद नसल्याची माहिती ही वनविभागाच्या सूत्राने दिली. त्यामुळे या वाघाचा मृत्यू हा दोन वाघाच्या झुंजीत झाल्याचे सांगितले जात आहे .
