by
चंद्रपूर/प्रतिनिधी:
चंद्रपूर
शहर महानगर पालिकेअंतर्गत थकबाकीदारांविरोधात जप्ती ची मोहीम हाती घेतली आहे. या मोहिमेअंतर्गत झोन क्रमांक १ मित्रनगर वार्डात मनपाने शंकरराव मेदीलाल
मोरे यांच्याकडे ४ वर्षांपासून थकबाकी असून वारंवार थकबाकीची मागणी मनपाने
केली असता थकबाकी न भरल्याने त्यांच्या दुकानाला सील ठोकून जप्तीची कारवाई
केली आहे. मित्र नगरात शंकरराव मेदीलाल मोरे यांचे दुकान आहे.
मनपाच्या अधिकाऱ्याने वारंवार थकबाकीची मागणी केली असता तुम्ही इकडे या आणि
उपायुक्तांना इकडे घेऊन या तेवाच मी कराचा भरणा करेन व अरेरावीची भाषा
सुद्धा वापरली. त्यामुळे मनपाच्या अधिकाऱ्यांनी येथे पोहोचून धडक कारवाई
करत शंकरराव मेदीलाल मोरे यांचा दुकानाला सील ठोकले आहे. ४ वर्षांपासून
त्यांच्याकडे ३७ हजार चारशे ९६ रुपये इतकी थकबाकी बाकी होती. महानगर
पालिकेतर्फे अनेकदा कराचा भरणा लवकरात लवकर करावा असे आवाहन करण्यात येत
असताना सुद्धा कराचा भरणा लवकरात लवकर न केल्याने हि कारवाई केल्याचे
सांगितले आहे. हि कारवाई बंडू वासेकर, भाऊराव सोनटक्के व इतर अधिकाऱ्यांनी
केली आहे.
