by 
चंद्रपूर/विशेष प्रतिनिधी:
चंद्रपूर जिल्यातील नागभीड तालुक्यातील तळोधी बाळापुर येथे क्रूरकृत्याची परिसीमा गाठल्याची घटना समोर आली आहे. तळोधीतील ८ वर्षाच्या व ६ वर्षाच्या दोन शालेय मुलीवर १०- १० रुपयाचे आमिष दाखवून लागोपाठ बलात्कार झाल्याचं उघड झालं आहे. या प्रकरणी पोलिसांनी आरोपीला अटक केली आहे.
तिलकचंद अग्नीकर वय ५५ वर्षे असे या नराधमाचे नाव आहे. हि घटना गुरुवारी सकाळी उघडकीस आली. घराजवळ राहणाऱ्या दोन मुली शाळेतून आल्यानंतर खेळत असताना हा सर्व प्रकार घडला.यातील एका मुलीचे वय ७ वर्षे असून ती पहिल्या वर्गात शिकते, तर दुसरीचे वय ८ वर्षे असून ती तिसऱ्या वर्गात शिकत असून या दोनी मुली बाळापूर येथील जिल्हा परिषद येथे शिकत होत्या. मंगळवारी सकाळच्या दरम्यान या दोन्ही मुली शाळेत गेल्या होत्या व दुपारच्या सुमारास ते आंगणवाडीच्या आवारात खेळत होत्या दरम्यान आरोपी तिलकचंद ने त्या दोघींना आईस्क्रीम खाण्याकरिता १० - १० रुपयाचे आमिष दाखवून त्या दोघांचा हात पकडून नजीकच बांधकाम सुरु असेलल्या बाथरुममध्ये नेले व त्यांच्यावर लैंगिक अत्याचार केले.त्यानंतर हा सर्व घडलेला प्रकार मुलींनी आपल्या आईवडिलांना सांगितला.हा प्रकार ऐकताच घरच्यांना काय करावे सुचेनासे झाले, घरचांनी लगेच पोलीस ठाणे गाठत या संपूर्ण प्रकारची तक्रार दाखल केली. व तपासाची चक्रे जलद गतीने फिरवत नागभीड पोलिसांनी आरोपीला अटक केली.वृत्त लिहित परियंत या आरोपीला वैद्यकीय तपासणी करीता चंद्रपूर येथील जिल्हा सामान्य रुग्णालयात आणले असून पुढील तपास सुरु आहे. संदर्भात अधिक माहिती जाणून घेण्यासाठी संबंधित तपास अधिकाऱ्यांना संपर्क साधले असता संपर्क होऊ शकला नाही.
