by
नागपूर - बहुजन चळवळीतील विचारवंत प्रा. जैमिनी कडू हे ओला कॅबने दिलेल्या धडकेत जखमी झाले होते. सोमवारी रात्री ११ वाजताच्या सुमारास वर्धा मार्गावरील 'रेडिसन ब्लू' परिसरात हा अपघात घडला. या अपघातात कडू यांच्या डोक्याला व चेहऱ्याला गंभीर दुखापत झाली होती. अपघातानंतर त्यांना शहरातील ट्रामा केअर सेंटरमध्ये दाखल करण्यात आले होते. तेथून त्यांना न्यूरॉन रुग्णालयात हलविण्यात आले होते.
प्राध्यापक कडू हे सोमवारी रात्री स्वत:च्या दुचाकीने घराकडे जात होते. त्यावेळी हॉटेल रेडिसन ब्लू जवळआले असता, ओला कॅबने त्यांच्या दुचाकीला धडक दिली. त्या धडकेने कडू हे जखमी झाले. त्यावर कॅब चालकाने तात्काळ त्यांना जवळच्या रुग्णालयामध्ये दाखल केले. मात्र, कडू यांची प्रकृती गंभीर दिसल्याने तेथील डॉक्टरांनी त्यांना दुसऱ्या रुग्णालयात घेऊन जाण्यास सांगितले. त्यानंतर त्या चालकाने कडू यांना न्यूरॉनमध्ये दाखल केले. मात्र आज त्यांचे निधन झाले.
