पेपर मिलला आग

कोंढाळी जवळ असलेल्या हरदोली पेपर मिलला आज दुपारच्या सुमारास आग लागल्याने, या आगीत पाच कोटीं रुपयांचा पेपर जळून राख झाला आहे. अमरावती मार्गावरील हरदोली येथील पेपरमिल शनिवारी दुपारी 11.45 वाजता आग लागली. चार तासांच्या अथक प्रयत्नानंतर आग आटोक्‍यात आली. कोंढाळीपासून जवळ असलेल्या हरदोली येथे पेपर मिल आहे. येथील एका खर्ड्याला आग लागली. सुसाट्याच्या वाऱ्यामुळे आग पसरली. जळता तुकडा उच्च प्रतिच्या कागदावर पडला आणि आगीने संपूर्ण मिल कवेत घेतली. बायलरजवळील कच्चा माल जळून खाक झाला. यात पाच कोटींच्या नुकसानीचा अंदाज वर्तविण्यात येत आहे.

শেয়ার করুন