दोन वेगवेगळ्या अपघातात तिघांचा मृत्यू

घुग्घुस : घुग्घुस परिसरात दोन वेगवेगळ्या अपघातात तिघांचा मृत्यू झाला आहे. एक घटना आज तर दुसरी काल रात्रीच्या सुमारास घडली. 
आज चंद्रपूरकडून भरधाव येणार्‍या ट्रकने (एमएच- ३५ एच- १६५५) समोर जात असलेल्या दुचाकीला (एमएच-३४ एएफ-६९0२ ) मागून धडक दिली. यात रवी लोंडबाजी खडतर रा. भिवारपूर वॉर्ड व अमित वाघमारे रा. गोपालपुरी चंद्रपूर यांचा जागीच मृत्यू झाला तर प्रशांत सूर्यभान लोखंडे रा. बालाजी वॉर्ड चंद्रपूर गंभीर जखमी झाला. जखमीची प्रकृती चिंताजनक असल्याचे कळते.
दुसरी घटना काल रात्री ८ वाजताच्या सुमारास घडली. सिद्धांत सूर्यभान ताडपेली आप्या दुचाकीने जात असताना अचानक त्याचे वाहन एसीसी सिमेंट रस्त्यावरील दुभाजकाला आदळले.यात तो गंभीर जखमी झाला.नागपुरात उपचारादरम्यान आज त्याचा मृत्यू झाला. 

শেয়ার করুন