शहरातून निघाली एड्स जनजागृती रॅली

 चंद्रपूर/प्रतिनिधी:

दरवर्षी १ डिसेंबर हा दिवस जागतिक एड्स दिन म्हणून पाळला जातो. जगभर फैलावलेल्या एड्स(AIDS-Acqired Immune Deficiency Syndrome) या जीवघेण्या रोगाबद्दल जगभर जनजागृती व्हावी, यासाठी हा दिवस पाळावा असे जागतिक राष्ट्रसंघाने(UNO-United Nations Organization) घोषित केले आहे. त्यामुळे आज चंद्रपूर शहरातूनही एड्स बाबत जनजागृती करीत जिल्हा सामान्य रुग्णालयातून हि रॅली मुख्य मार्गाने होत शहरातून मार्गस्त झाली. यावेळी रोटरी क्लॉब, इनरव्हील क्लॉब,  जिल्हा सामान्य रुग्णालयातील अधिकारी डॉकटर्स व शाळकरी विद्यार्थी आदी सहभागी झाले होते. यावेळी सर्वांना एड्स बाबत  माहिती व शपथ देण्यात आली.

‘एड्स’ हा शब्द उच्चारायला आणि लिहायला अतिशय सोपा, मात्र हा रोग सोपा नाही. कुणाला ह्या रोगाची लागण झाली असे साधे माहिती जरी पडले तरीही अंगावर काटे उभे राहतात. पूर्वी कर्करोग हा सर्वांत भयानक रोग मानला जाई, मात्र ‘एड्स’ ह्या रोगाचा शोध लागल्यानंतर त्यालाच सर्वांत भयंकर रोग मानले जाऊ लागले. कर्करोगावर आता इलाज निघालेत. चांगले उपचार किंवा शस्त्रक्रिया करून कर्करोग बराही होऊ शकतो. मात्र, १९८१ साली एड्सच्या पहिल्या रुग्णाचे निदान झाल्यानंतर आजतागायत ह्या रोगावर इलाज, औषध, लस किंवा हा रोग पळवून लावणारी उपचारपद्धती यांचा शोध लागला नाही. काही लोक तसा दावा जरी करत असले तरी त्यामागील सत्यता अजूनही बाहेर आलेली नाही. त्यामुळे नागरिकांमध्ये जनजागृती निर्माण व्हावी यासाठी आज जागतिक एड्स दिनाच्या अनुषंगाने शहरातून हि रॅली काढण्यात आली.
 एड्स विषयी आजपर्यंत झालेली जनजागृतीमुळे एड्सच्या रुग्णांची संख्या बऱ्यापैकी आटोक्यात आली आहे. मात्र असे म्हणून गाफील राहून चालणार नाही.

বিস্তারিত পড়ুন

राजीव गांधी अभियांत्रिकी महाविद्यालयातील अवैध पदोन्नती वर AICTE ची चपराक.

महाविद्यालयातर्फे पदोन्नती व वेतनवाढ परत घेण्याची कारवाई. 

चंद्रपुर / प्रतिनिधी:

चंद्रपूर येथील राजीव गांधी अभियांत्रिकी महाविद्यालयातील शिक्षकांना शैक्षणिक पात्रता नसताना प्राध्यापक पदी पदोन्नती देण्यामुळे विद्यार्थ्यांच्या शिक्षण शुल्कामध्ये वाढ होत असल्याची तक्रार मागील अनेक महिन्यांपासून काही विद्यार्थी, सामाजिक कार्यकर्ते तसेच विद्यापीठ सिनेट सदस्यांनी केली होती.
या तक्रारीची  AICTE च्या दिल्ली येथील मुख्य कार्यालयात या प्रकरणाची दोनदा सुनावणी झाल्यावर अखेर या पदोन्नती चुकीच्या असल्याचा निर्वाळा समितीने दिला आहे.

या विषयावर विद्यार्थ्यांना न्याय मिळवून देण्यासाठी काही सामाजिक कार्यकर्त्यांनी तंत्र शिक्षण विभाग व शिक्षण शुल्क समितीला अनेकदा तक्रारी केल्या पण विद्यार्थ्यांनीच तक्रार करावी असे सुचवल्यामुळे विद्यार्थ्यांनी स्वतः पुढे येत AICTE ला तक्रार केली.
विद्यार्थ्यांनी विद्यापीठाला तक्रार केल्यावर गोंडवाना विद्यापीठाने देखील जो पर्यंत अवैध पदोन्नती प्रकरणावर महाविद्यालय खुलासा करीत नाही तोपर्यंत या महाविद्यालयातील शिक्षकांच्या पदोन्नती मान्य न करण्याची भूमिका घेतली.

मिळालेल्या माहिती नुसार पी.के.सिंग ,ए.पी सिंग ,के .के सिन्हा,एम.आर. भोंगाडे,व्ही.आर. अयंगार, यू.बी.वैद्य, ए.म.ऐमसनवार,एन.बी.वरभे या प्राध्यापकांची पदोन्नती अवैध आहे. ती आता मागे घेण्यात आलेली असून  या पैकी कुणीही प्राध्यापक पदी पदोन्नती दिल्या गेली तेव्हा Ph.D. पदवी प्राप्त केलेली नव्हती. या पदोन्नती व्यतिरिक्त एकूण 35 ते 40 शिक्षकांच्या पगारात 15 ते 25 हजाराची भरघोस वाढ करण्यात आल्याचे दिसून आले. त्यामुळे महाविद्यालयाचे प्राचार्य डॉ.दीक्षित यांनी कारवाईचा धसका घेत या सर्व वेतनवाढी मागे घेतल्या आहेत .जर आपण ह्या चुकीच्या वेतनवाढी मागे घेतल्या नाही तर निवृत्ती नंतर देखील आपल्यावर कायद्याची तलवार मानेवर लटकत राहील अशी तंबी AICTE ने दिल्यामुळेच तडकाफडकी या वेतनवाढी व पदोन्नती मागे घेतल्याचे दिसत आहे .

या महाविद्यालयाने १९९९ पासून काही शिक्षकांना शैक्षणिक पात्रता नसताना प्राध्यापक पद व त्या पदाची वेतन श्रेणी लागू केली. २००३ पासून राज्यात शिक्षण शुल्क समितीची स्थापना झाली आणि प्रत्येक महाविद्यालयाची खर्च आधारित शुल्क निश्चितीचे धोरण ठरले. त्यामुळे जास्तीचे वेतन हे वाढीव शुल्कासाठी कारण ठरले.काही मोजक्या शिक्षकांना पदोन्नती मिळाल्यामुळे नाराज असलेल्या इतर शिक्षकांना वेळोवेळी नियमबाह्य वेतन वाढ देण्यामुळे या महाविद्यालयाचे शिक्षण शुल्क १  लाख १० हजार इतके असताना राज्यातील इतर महाविद्यालयांच्या तुलनेत सोयी नाहीत हे जेव्हा येथील विद्यार्थ्यांना समजले तेव्हा या वेतन वाढीविरुद्ध तक्रारी सुरु झाल्या.
अनेक कर्मचाऱ्यांना वेळोवेळी दिलेल्या वेतन वाढींमुळे जवळपास ८५ लाख रुपये अधिकचे वेतन प्रतिवर्ष देण्यात येत होते. निधीचा हा अपव्यय थांबल्यास विद्यार्थ्यांच्या इतर सोईवर खर्च होऊ शकतो अशी मागणी विद्यार्थ्यांतर्फे करण्यात येत होती.

AICTE च्या तक्रार निवारण समितीने २६ सप्टेंबर २०१७ रोजी हजार राहण्याचे आदेश देऊनही प्राचार्य डॉ दीक्षित यांनी आपल्या प्रतिनिधी मार्फत बाजू मांडली. पण AICTE च्या समितीने स्पष्ट निर्वाळा दिला कि फक्त तोंडी माहिती देऊन काम चालणार नाही व पुढील सुनावणीला स्वतः प्राचार्यांनी लेखी स्पष्टीकरण द्यावे.
१४ नोव्हेंबर २०१७ रोजी AICTE च्या सुनावणीमध्ये महाविद्यालयाचे प्राचार्य डॉ कीर्तिवर्धन दीक्षित  हजर झाले आणि  AICTE च्या समितीने अवैध पदोन्नती मागे घेण्याचे आदेश दिल्यानंतर एक आठवड्यात महाविद्यालयात सुधारित वेतन निश्चिती चे पत्र अनेक शिक्षकांना देण्यात आले. यामुळे महाविद्यालयाच्या एकूण वेतनामध्ये प्रतिवर्ष ८६ लाख रुपयांची बचत होणार आहे. ३० नोव्हेंबर ला सेवानिवृत्त होण्यापूर्वी डॉ. दीक्षित यांनी स्वतः सर्व प्राध्यापकांना सुधारित वेतन श्रेणी चे पत्र दिले  हे विशेष .
या महाविद्यालयात डॉ दीक्षित यांच्या नियमबाह्य कारभारामुळे मागील दोन ते तीन वर्षांपासून राज्य शासनाच्या अनेक चौकशी समितीने गैरव्यवहार असल्याच्या शेरा दिला आहे. समाज कल्याण च्या विशेष चौकशी समिती ने अवैध शिक्षण शुल्क लाटल्याचे निष्पन्न केले.

विद्यार्थ्यांनी अशीही मागणी केली आहे कि प्राचार्य डॉ दीक्षित यांच्या कार्यकाळातील आर्थिक अफ़रातफरीची चौकशी राज्य शासनाने करावी आणि इतक्या वर्षात नियमबाह्य वेतन म्हणून दिलेली जास्तीची रक्कम वसूल करून महाविद्यालयाने विद्यार्थ्यांसाठी सोई उपलब्ध करून द्याव्या.

বিস্তারিত পড়ুন

ब्रम्हपुरी येथे स्वतंत्र विदर्भ राज्यासाठी धरणे

ब्रम्हपुरी - विदर्भ राज्य समन्वय समितीच्या वतीने विदर्भ राज्याच्या मागणिकरिता  शिवाजी चौक ब्रम्हपुरी येथे आज शुक्रवार ०१/१२/२०१७ ला धरणे आंदोलन  कार्यक्रम  डॉ. डी. एन. मेश्राम यांच्या अध्यक्षतेखाली सुरू केले आहे. ११ डिसेंबरला विदर्भ बंद चे आवाहन केले आहे.
सुधीर सेलोकर, अड. गोविंद भेंडारकर, डॉ. प्रेमलाल मेश्राम, सुदाम राठोड, हरिश्चंद्रजी चोले, विनोद झोडगे, हनुमंतराव राऊत अरविंद नागोसे, निकेश तोंडरे,  सुखदेव प्रधान, विनायक रामटेके ,नामदेवराव गेडाम, डॉ.डी. मेश्राम,  विनायक रामटेके, सुधाताई राऊत,लिनाताई जोगे, प्रतिभा लाडे,  गीताताई  मेश्राम उपस्थित होते.

स्वतंत्र विदर्भ राज्य केव्हा देणार,4 लाख वैदर्भीय बेरोजगारांचा बॅकलाग केव्हा भरणार, विजेचे लोडशेडिंग केव्हा संपविणार, विदर्भातील जनतेसाठी विजेचे वीज दर निम्यावर आना लोडशेडिंग संपवा,आदी मागण्याचा समावेश होता. आभार वासुदेव काढिखाये यांनी मानले.

বিস্তারিত পড়ুন

ब्रम्हपुरी येथे ऑल इंडिया ओपन बुद्धिबळ स्पर्धा

ब्रम्हपुरी- ब्रम्हपुरी एज्युकेशनल सिटी ट्रॉफी ऑल इंडिया ओपन फेडरेटिंग बुद्धिबळ स्पर्धेचे आयोजन करण्यात आले आहे. विठ्ठल रुक्मिणी सभागृहात होणाऱ्या या स्पर्धेच उद्घाटन आज  १/१२/२०१७ ला दुपारी १:०० वाजता उदघाटन झाले. विविध राज्यातील ११० राज्यातील स्पर्धकानी  प्रवेश नोंदविला आहे. ब्रम्हपुरीतील अनूक्रमे विक्रांत चोले,  निलेश बांडे , रितेश उरकुडे, ओमकार रासेकर,  निषाद खोब्रागडे, वेदांत बांडे, कुमुदीनी बारसागडे ऐश्वर्या बावनकुळे, जुबेर रैय्यानी, आदित्य तलमले व हरीक्रिष्ण सरकार हे खेळाडू देशातील इतर खेळाडूंना ब्रम्हपुरी तर्फे आवाहन देणार आहेत.
ब्रम्हपुरी येथील होणारी विदर्भातील ही सर्वात मोठी मान्यता प्राप्त स्पर्धा असून या करीता प्रा. शुभाष बजाज यांचे अध्यक्षतेखाली स्वागत समिति तयार करण्यात आलेली आहे. नारायण राऊत बोकडे,  प्राचार्य डॉ. देवीदासजी जगनाडे,  डॉ. प्रेमलाल मेश्राम व अँड. गोविंदराव भेँडारकर हे स्वागत समिति चे अध्यक्ष आहेत.
या स्पर्धेत एक लाख पन्नास हजार रुपयांची रोख पारितोषीके असून प्रथम रोख पुरस्कार पंचवीस हजार रुपये आहे.याशिवाय साठ खेळाडून टॉफी पुरस्कार देण्यात येणार आहेत. सहा दिवस चालणाऱ्या या स्पर्धेचे मुख्य आश्रयदाते श्री.मा.अशोक भैया,  प्राध्यापक अतुलभाऊ देशकर , श्री.निलेश मोहोता, डॉ.खिजेंद्र गेडाम, डॉ.जी.एन.मेश्राम , श्री.शुभाषराव ठवरे,  कादर मॅथ्थू निरप्पे ल,  डॉ.लक्ष्मीकांत लाडुकर, श्री.पंचमजी आकरे , श्री.वसंतरावजी कावळे , श्री.रामावतार अग्रवाल, श्री शुभाष अग्रवाल, श्री.शरदराव उराडे , श्री.धनेशजी अग्रवाल, श्री.बंडुभाऊ बांगरे, श्री.राजेश जाजु, श्री रवि लोखंडे , श्री सूखदेव प्रधान , श्री.सारंगभाऊ बनपूरकर,  प्रकाशभाऊ बगमारे,  रंजना चोले.श्री.नंदुजी पिलारे , डॉ.माणिक  खुने व डॉ.राजकुमार लोकरे हे आहेत. ब्रम्ह्पुरी तालुका बुद्धिबळ संघटनेचे सर्व सदस्य स्पर्धा यशस्वी करण्यासाठी प्रयत्नाचे पराकाष्ठा करीत आहेत

বিস্তারিত পড়ুন

बटन दाबताच उघडते दारूचे कपाट

घरात मिळाली देशी दारु

चिमूर/प्रतिनिधी
दारूबंदी कठोर सुरु असल्याने अवैध विक्रेते नवीन नवीन शक्कल लढवीत आहेत. पोलिसांनी घराची कसून तपासनी केली असता घराच्या भिंतीच्या आत विद्युत प्रवाहावर चालणारे प्लायवूडचे कपाट  आढळले. कपाटाच्या पाहिल्या भागात किराणा  माल आढळून आला, तर कपाटाच्या आत भागात १७ पेट्या देशी- विदेशी दारु साठा आढळून आला.

 चिमुर-मौजा मालेवाडा येथील सैराट दारु तस्कर,जगदीश रामटेके याच्या राहाते घराची झडती चिमुर पोलिस ठाण्याचे ठाणेदार दिनेश लबडे व त्यांच्या चमूने आज सकाळी घेतली असता, देशी दारुच्या १७ पेट्या घरात आढळून आल्यात.  दारु तस्कर जगदीश रामटेके याच्यावर अवैधरीत्या दारु विक्री सबंधात यापूर्वी सुध्दा ५ गुन्हे चिमुर पोलिस ठाण्यात नोंद आहेत.पोलिसांच्या कारवाईला जगदीश रामटेके जुमानत नसल्याचे आजच्या त्याच्याविरुद्धच्या ६ व्या पोलिस कारवाई वरुन लक्षात येते.जगदीश रामटेके संदर्भात तळीपार प्रस्ताव तयार करण्यात येत असल्याचे ठाणेदार दिनेश लबडे यांनी सांगितले

বিস্তারিত পড়ুন

‘स्पर्धा परीक्षा आणि अंधश्रध्दा’ यावर नितिष पाथोडे यांचे आज व्याख्यान

चंद्रपूरः- स्पर्धा परीक्षांबाबत विदयार्थी-पालकांमध्ये असलेल्या अंधश्रध्दा आणि गैरसमजुतींबाबत प्रबोधन होण्याच्या उद्देषाने दिनांक 2 रोजी स्थानिक वासनिक सर्स अॅकॅडमी, जिल्हा ग्रंथालयाच्या बाजूला, चंद्रपूर येथे सकाळी 11.00 वाजता आणि चिंतामणी विदयालय, विसापूर येथे दुपारी 3.00 वाजता नितिष पाथोडे प्त्ै सहाय्यक आयुक्त (कस्टम्स अॅंड सेंट्रल एक्साईज) राजस्व विभाग, वित मंत्रालय, भारत सरकार यांचे षहरी तसेच ग्रामिण विदयार्थी-पालकांसाठी व्याख्यानाचे आयोजन अ.भा.अंधश्रध्दा निर्मूलन समिती, वासनिक अॅकॅडमी, क्रांतीज्योती सवित्रीबाई फुले अभ्यासिका, विसापूर, ‘अभिन्न’ एज्युकेषनल अॅंड काॅउंसिलींग सव्र्हिसेस तर्फे करण्यात आले आहे.

বিস্তারিত পড়ুন

महीलेवर अॅसिड हल्ला:आरोपीस अटक

ब्रम्हपुरी /प्रतिनिधी:

रात्री अंधाराचा फायदा घेत चंद्रपूर जिल्ह्यातील ब्रम्हपुरी तालुक्यातील चकबोथली  येथे अॅसिड  हल्ला  झाल्याची  घटना घडली.  पिडीत महीला ससिका रविंद्र मसराम वय( 40) वर्ष ही आपल्या 13 वर्षीय मुला सोबत  रात्री झोपलेली असताना आरोपीने घरात घुसुन झोपेत असलेल्या महीला व मुलावर अॅसीड फेकले यात महिला व तिचा मुलगा  गंभीर जखमी झाला आहे.   महिलेच्या सांगण्यावरून फिर्यादी महिला अंदाजे 45 टक्के  व मुलगा अंदाजे  २५ टक्के भाजल्या  असल्याचे समजते . या घटनेने ब्रम्हपुरी तालुक्यात सर्वञ खळबळ माजली आहे.या प्रकणी आरोपी अमोल चौधरी याला पोलीसांनी अटक करून भादवी 307,326,(अ),450 कलमा नुसार गुन्हा दाखल केला आहे .जखम गंभीर स्वरूपाची असल्या कारणाने यांना  सकाळी  जिल्हा सामान्य रुग्णालयात गडचिरोली येथे  हलविण्यात आले आहे .  आरोपीने शरीर सुखाची मागणी केल्याच्या कारणावरुन घडल्याची चर्चा सुरू आहे.या प्रकरणाचा तपास सुरु असून  लवकरच हा कोणत्या कारणावरून हा हल्ला करण्यात आला हे समजणार आहे   सोबतच  आरोपीने अॅसिड कुठून प्राप्त याचा  शोध घेत आहे.

বিস্তারিত পড়ুন

हत्या प्रकरणातील मुख्य आरोपीची आत्महत्या

नागपूर - लॉटरी व्यावसायिक राहुल आग्रेकर अपहरण आणि हत्या प्रकरणातील मुख्य आरोपी दुर्गेश बोकडे याने आत्महत्या केली.
छत्तीसगड राज्यातील रायपूर येथे गुप्ता गेस्ट हाऊस च्या खोली क्रमांक 4 मध्ये मृतदेह आढळला. या प्रकरणातील दुसरा आरोपी पंकज हारोडे याला दोन दिवसांपूर्वी हावडा येथून अटक केली होती.
दुर्गेश बोकडे या हावडा येथून पळून रायपूरला आला होता.
दोन्ही आरोपींनी 21 नोव्हेंबरला राहुल आग्रेकर यांचे अपहरण करून जिवंत जाळले होते.

सविस्तर बातमी -

বিস্তারিত পড়ুন

इलेक्ट्रॉनिक वजन काट्यावरून मनपात घमासान

चंद्रपूर/प्रतिनिधी:
चंद्रपूर महानगरपालिकेने चंद्रपूर-नागपूर व चंद्रपूर-मूल मार्गावर इलेक्ट्रॉनिक वजन काटे लावले आहेत. मात्र या वजन काट्यावर नियमबाह्यरीत्या काम होत आहे. या मुद्यावरून मनपाच्या आमसभेत चांगलाच गदारोळ झाला. महानगरपालिकेचे आमसभा आज गुरुवारी दुपारी १ वाजता मनपाच्या सभागृहात आयोजित करण्यात आली होती सभेला सुरुवात होताच नगरसेवक पप्पु देशमुख यांनी मनपाच्या या इलेक्ट्रानिक वजनकाट्यांचा विषय सभागृहापुढे ठेवला.

चंद्रपूर-नागपूर व चंद्रपूर-मूल मार्गावर मनपाने इलेक्ट्रानिक वजन काटे लावले आहेत. मनपा हद्दीत येणाऱ्या  जडवाहनावर कारवाई करणे, हा यामागील उद्देश. मात्र या उद्देशालाच हरताळ फासला जात आहे. या वजनकाट्यावर उपप्रादेशिक परिवहन विभागातील वाहतूक निरीक्षक यांच्या बसण्याची व्यवस्था असावी, असे शासनाच्या अध्यादेशात नमूद आहे. तशी व्यवस्थाही करण्यात आलेली आहे. मात्र प्रत्यक्षात तिथे वाहतूक निरीक्षक नसतो. मागील दीड वर्षांपासून या वजन काट्यावर एकाही जडवाहनावर कारवाई झालेली नाही. सर्व ओव्हरलोड वाहनांना मनपा हद्दीत जाण्याची सरसकट परवानगी कशी काय देण्यात आली, असा प्रश्न नगरसेवक पप्पु देशमुख यांनी उपस्थित केला. सभागृहात उपस्थित आणखी अनेक नगरसेवकांनी देशमुख यांच्या मुद्याला पाठिंबा देत गदारोळ केला. यावर उत्तर देताना मनपा आयुक्त संजय काकडे यांनी सदर वजन काटे शासनाच्या आदेशानुसार लावले असून ओव्हरलोड वाहनांवर कारवाईची जबाबदारी परिवहन विभागाची असल्याचे सांगितले. परिवहन विभागाचा अधिकारी कारवाई करीत नसेल तर हे वजनकाटे तत्काळ बंद करा, अशी मागणी देशमुख यांनी केली. त्यानंतर महापौर अंजली घोटेकर यांनी याबाबतची तत्काळ चौकशी करण्याचे आश्वासन सभागृहाला दिले.

বিস্তারিত পড়ুন

४५ फूट उंच कोळशाचा ढिगारा कोसळला:सहा कामगार गंभीर जखमी

भद्रावती/प्रतिनिधी :
 गेल्या शुक्रवारी वेकोलि माजरीच्या तेलवासा खुल्या कोळसा खाणीत रात्री ११.३० वाजता कोळसाचा ढिगारा कोसळल्याने डोजर आॅपरेटर चा जागीच मृत्यू झाल्याची घटना  ताजी असतांनाच  माजरी  कुनाडा खुल्या कोळसा खाणीत आणखी आठवडा भरानंतर कोळशाचा ढिगारा अंगावर कोसळल्याने सहा कामगार जखमी झाल्याची घटना शुक्रवारी सकाळच्या सुमारास घडली. या ढिगाऱ्यात  8 वोल्वो टिप्पर, 2 ड्रिल मशीन, पीसी मशीन 4 व एक सर्व्हिसिंग गाडी दबली असल्याची माहिती मिळत आहे 
सोबतच जवळपास ६ कामगार  ढिगाऱ्या खाली अडकल्याची शक्यता आहे. शुक्रवारी मध्यरात्री १ च्या सुमारास जवळपास अर्धा किलोमीटर अंतराचा मातीचा ढिगारा कोसळला. या विस्तीर्ण ढिगाऱ्याखाली दबलेल्या अनेक कामगारांपैकी फक्त तिघांना बाहेर काढण्यात यश आले आहे. त्या तिघांची प्रकृती गंभीर असल्याने त्यांना रात्रीच नागपूरला हलविण्यात आले.चार दिवसापूर्वीही तेलवासा खाणीत  अशीच अशीच घटना घडली होती.   यामध्येत तिथे काम करणारा डोजर आॅपरेटर निरजु झा (५५) हा दबून जागीच ठार झाला. या ठिकाणी काम करणारे दहा कामगार बचावले.   यानंतर  वेकोलिच्या सतर्क विभागाच्या अधिकाऱ्याना  खाण बंद करण्याचे आदेश दिले होते व ती खान देखील बंद करण्यात आली होती 

বিস্তারিত পড়ুন

विदर्भ बंदसाठी आज बैठक

चंद्रपूर - 1 डिसेंबर रोजी विदर्भ राज्य आंदोलन समितीची चंद्रपूर जिल्हा बैठक दिनूजी भवन साईबाबा मंदिर जवळ जनता कॉलेज येथे 12 ते 4 या वेळेत होत आहे.  विदर्भ बंद संदर्भांत चर्चा व नियोजन होणार आहे.

বিস্তারিত পড়ুন

सिकलसेल रोगाने तरुणाचा मृत्यू

देसाईगंज / प्रतिनिधी - येथिल राजेंद्गवार्डातील सागर व्यंकटराव  भांडारकर वय ३५ वर्ष यांचे सिकलसेल  या आनुवांषिक तथा कधीही बरा न होणार्या धुरंधर आजाराने रात्री निधन झाले आहे.

 अतिदुर्गम,आदीवासीबहूल गडचिरोली जिल्ह्यात एकुण लोकसंख्येच्या १७ टक्के रुग्ण सिकलसेल या आनुवांषिक तथा कधीही बरा न होणार्या धुरंधर आजाराने ग्रासले असल्याचा अनुमान गडचिरोली जिल्ह्यात कार्यरत स्वंयसेवी संस्था सर्च ,बि.जे.मेडीकल कॉलेज  पुणे,व इंदिरा गांधी मेडिकल कॉलेज यांनी संयुक्तपणे गडचिरोली जिल्ह्याील आजाराबाबत सन १९८८ -८९ ला संशोधन करून धक्कादायक अहवाल दिला होता .

आता सिकलसेल या आनुवांषिक आजाराला राष्ट्रीय कार्यक्रमात समावेश करण्यात आले असुन राष्ट्रीय ग्रामीण आरोग्य अभियान अंतर्गत गडचिरोली जिल्ह्यात करोडो रुपये खर्च केल्या जात आहे.मात्र अद्याप गडचिरोली या अतिदुर्गम व आदीवालीबहुल जिल्ह्यात सिकलसेल या आनुवांषिक तथा कधीही बरा न होणार्या धुरंधर आजाराने किती रुग्ण ग्रासले आहेत ही आकडेवारी गुलदस्त्यातच आहे *****

বিস্তারিত পড়ুন

१ डिसेंबर दिनविशेष

• 
  
  • बा. सी.मर्ढेकर - बाळ सीताराम मर्ढेकर हे मराठी कवी व लेखक होते. त्यांना मराठी नवकाव्याचे प्रवर्तक मानले जाते.
  • जागतिक दिवस
  •     लोकशिक्षण दिन (भारत)
  •     एड्स प्रतिबंधक दिन
  
  ठळक घटना/घडामोडी
  
      १६४० : पोर्तुगालला स्पेनपासून स्वातंत्र्य. होआव चौथा, पोर्तुगाल राजेपदी.
      १८२२ : पेद्रो पहिला ब्राझिलचा सम्राट झाला.
      १८३५ : हान्स क्रिस्चियन अँडरसनच्या परीकथांचे पहिले पुस्तक प्रकाशित.
      १९५८ : मध्य आफ्रिकेच्या प्रजासत्ताकला फ्रांसपासून स्वातंत्र्य.
      १९६३ : नागालँड भारताचे १६वे राज्य झाले.
      १९६५ : भारतात सीमा सुरक्षा दल (बॉर्डर सिक्युरीटी फोर्स) ची स्थापना.
      १९७३ : पापुआ न्यू गिनीला ऑस्ट्रेलियापासून स्वातंत्र्य.
      १९७४ : टी.डब्ल्यू.ए. फ्लाइट ५१४ वॉशिंग्टन डलेस ईंटरनॅशनल विमानतळाच्या वायव्येस कोसळली. ९२ ठार.
      १९८१ : युगोस्लाव्हियाच्या आयनेक्स एड्रिया एव्हियोप्रोमेत विमानकंपनीचे डी.सी. ९ जातीचे विमान कोर्सिकामध्ये कोसळले. १७८ ठार.
      २००१ : ट्रान्स वर्ल्ड एरलाइन्सचे शेवटचे उड्डाण.
  
  जन्म/वाढदिवस
  
      १०८१ : लुई सहावा, फ्रांसचा राजा.
      १०८३ : ऍना कॉम्नेना, बायझेन्टाईन इतिहासकार.
      १८८५ : काकासाहेब कालेलकर, मराठी, गुजराती लेखक, इतिहासकार, पत्रकार, गांधीवादी.
      १९०९ : बा. सी. मर्ढेकर, मराठी कवी व लेखक.
      १९८० : मोहम्मद कैफ, भारतीय क्रिकेट खेळाडू.
  
  मृत्यू/पुण्यतिथी/स्मृतीदिन
  
      ११३५ : हेन्री पहिला, इंग्लंडचा राजा.
      १९७३ : डेव्हिड बेन गुरियन, इस्त्रायलचा पहिले पंतप्रधान.

বিস্তারিত পড়ুন