by चंद्रपूर/प्रतिनिधी:( ललित लांजेवार)
शनिवारी रात्री रामाळा तलाव परिसरात स्टंटबाजी करण्याच्या नादात 2 निर्दोष तरुणांचा बळी गेला. या घटनेनंतर चंद्रपूर मनपा प्रशासन खडबडून जागे झाले आहे,आणि रामाळा तलाव परिसरात आवश्यक असतील तितके सीसीटीव्ही कॅमेरे लावण्याचा निर्णय यासोबतच त्या परिसरात दोन सुरक्षा गार्ड किंवा दोन पोलिस कर्मचाऱ्यांची नेमणूक करण्याचा निर्णय सोमवारी मनपाच्या सर्वसाधारण सभेत घेण्यात आला आहे. काही दिवसा अगोदर या तलावाचे सुशोभिकरण व सौंदर्यीकरण करण्यात आले होते. यानंतर तलाव परिसराचा आनंद घेण्यासाठी अनेक नागरिक या परिसरात संध्याकाळच्या वेळेला चांगलीच गर्दी करत असतात. या परिसरातील रस्ता मोठा असल्याने अनेक युवा वर्ग या ठिकाणी आपल्या दुचाकीने स्टंटबाजीचा प्रकार करत असतात त्यामुळे अशा प्रकारांवर आळा घालण्यासाठी चंद्रपूर मनपा प्रशासनाने नागरिकांची सुरक्षा लक्षात घेता हा महत्त्वाचा निर्णय घेण्यात आला असल्याचे चंद्रपूरच्या महापौर अंजली घोटेकर यांनी काव्यशिल्पशी बोलताना सांगितले.
