by 
चंद्रपूर - येथील एका जोडप्यांना त्यांचा वाद मिटवून देण्या साठी खंडणी मागितल्याप्रकरणी शहरातील सामाजिक व राजकीय क्षेत्रात अग्रेसर असलेल्या एका महिलेला पोलिसांनी अटक केली.
शहरातील एका जोडप्याचे एकमेकांसोबत पटत नव्हते. त्यांचा हा वाद महिला तक्रार निवारण केंद्राकडे समुपदेशनासाठी दाखल झाला होता. त्यात या सामाजिक व राजकीय क्षेत्रातील महिला पदाधिकार्‍यांनी जोडप्यांना संपर्क साधून वाद मिटविण्यासाठी पोलिसांना पैसे द्यावे लागतील अशी बतावणी केली आणि त्यांच्याकडून खंडणीची मागणी केली. यासंदर्भात पीडित जोडप्यांनी महिला तक्रार निवारणकडे विचारणा केली. तेव्हा पोलिसांनी लाच लुचपत प्रतिबंधक खात्याच्या मदतीने सापळा रचून खंडणी मागणा-या या महिलेस अटक केली. अटकेतील ही महिला आंबेडकरी चळवळीतील मोठ्या दिवंगत नेत्याची नातलग असल्याची माहिती आहे.
