by
चंद्रपूर/प्रातिनिधी:
कंत्राटी कामगारांना पूर्ववत कामावर घेण्याच्या मागणीसाठी प्रहार चे नगरसेवक पप्पू देशमुख यांच्या नेतृत्वात जटपुरा गेट येथे सुरू असलेल्या आंदोलनाला आखिर यश आले असून हे आंदोलन मागील ११ दिवसापासून सुरू होते. कामगारांच्या मागण्या मान्य झाल्या असून जिल्हा सामान्य रुग्णालयातील कंत्राटी कामगारांना पूर्ववत कामावर घेण्यात येणार आहे. जिल्हा सामान्य रुग्णालयातील कंत्राटी कामगारांना अचानक कामावरून काढून टाकल्यामुळे या कामगारांनी साखळी उपोषण सुरू केले होते. मात्र प्रशासनाकडून दखल घेतली जात नसल्याने कामगारांनी आंदोलन आणखी तीव्र केले होते.
१३७अन्यायग्रस्त कामगारांना पूर्ववत कामावर घेण्याची न्यायोचित मागणीसाठी प्रहारचे जिल्हाध्यक्ष पप्पु देशमुख यांच्या नेतृत्वात नववर्षाच्या पहिल्याच दिवसापासून साखळी उपोषणास सुरुवात केली होती यादरम्यान, उपोषणकर्त्यांनी प्रशासनाचे लक्ष वेधण्यासाठी विविध आंदोलनात्मक उपक्रम राबविले. चार दिवसांपूर्वी एका गरजू रुग्णाला रक्ताची गरज असल्याने उपोषणकर्त्यांनी त्याला रक्तदान करुन आंदोलनादरम्यान सामाजिक बांधिलकीचाही परिचय दिला. जटपुरा गेट ते शासकीय वैद्यकीय महाविद्यालयापर्यंत झाडू मोर्चा काढून प्रशासनाचे लक्ष वेधले. यादरम्यान माजी खासदार नाना पटोले हे चंद्रपुरात आले असता त्यांनीही कामगारांची मागणी रास्त असल्याचे सांगून प्रशासनास सूचनाही केल्या होत्या. त्या नंतर आज आमदार नाना शमकुले यांनी उपोषण करतांना भेट देऊन त्यांच्या मागण्या मान्य करत उपोषण समाप्त केले आहे.
