by मेगाभरती:
महाराष्ट्र शासनाच्या वतीने ७२ हजार जागांची मेगाभरती केली जाणार आहे. याचा एक भाग म्हणून कृषीसेवक, परिवहन महामंडळ (एसटी), सार्वजनिक बांधकाम विभाग, रेल्वे, महापालिका व जिल्हा परिषद यांमध्ये एकूण ३२ हजार जागांच्या भरतीसाठी जाहीरीताही प्रसिद्ध झाल्या आहेत. या सर्व जागांसाठी सोमवार, दि. ७ ते २५ जानेवारीपर्यंत इच्छुक उमेदवारांना ऑनलाइन अर्ज करता येणार आहे. मेगा भरतीची संपूर्ण प्रक्रिया व परीक्षा १५ फेब्रुवारी ते ३१ मार्च २०१९ या कालावधीत होणार आहे.
मेगा भरतीच्या निमित्ताने नोकरीच्या प्रतीक्षेत असलेल्या युवकांना दिलासा मिळाला आहे. नोकरीसाठी इच्छुकांना www.mahapariksha.gov.in या संकेतस्थळावर अर्ज करता येईल. या संकेतस्थळावर जाहिरातीही प्रसिद्ध करण्यात आल्या आहेत. मेगाभरतीची संपूर्ण माहिती उपलब्ध करून देण्यात आली आहे. खुल्या प्रवर्गासाठी ४०० रुपये तर मागास प्रवर्गासाठी २०० रुपये शुल्क असणार आहे. खुल्या प्रवर्गासाठीची वयोमर्यादा १८ ते ३८ व मागास प्रवर्गासाठी १८ ते ४५ एवढे निश्चित करण्यात आले आहे.
कृषिसेवक (१४१६), राज्य परिवहन महामंडळ (४८३३), कनिष्ठ अभियंता, सार्वजनिक बांधकाम विभाग (४०५), भारतीय रेल्वे (१४०३३), महापालिका व जि. प. (१२०००) यांसह सोलापूर महापालिकेच्या ४५ जागांसाठीही जाहिराती प्रसिद्ध झाल्या आहेत.
