चंद्रपूर महापौरपदासाठी ३० ला निवडणूक

चंद्रपूर -३० ऑक्‍टोबरला होणाऱ्या महापौरपदाच्या निवडणुकीची जोरदार मोर्चेबांधणी सुरू आहे. महापौरपद सर्वसाधारण प्रवर्गातील महिलेसाठी राखीव आहे. या पदासाठी कॉंग्रेसकडून राखी कंचर्लावार, सुनीता अग्रवाल, सुनीता लोढिया, तर भाजपच्या अंजली घोटेकर, राष्ट्रवादीच्या संगीता त्रिवेदी व विद्यमान महापौर संगीता अमृतकर प्रयत्नशील आहेत. सध्या राज्यात सत्तास्थापनेच्या हालचाली सुरू आहेत. विद्यमान महापौर व उपमहापौरांचा अडीच वर्षांचा कार्यकाळ ३० ऑक्‍टोबरला पूर्ण होत आहे. महापालिकेच्या ३३ प्रभागांसाठी ६६ नगरसेवक आहेत. कॉंग्रेस आघाडी व मित्रपक्षांचे ३८, भाजप १८, राष्ट्रवादी ४, शिवसेना ५ व मनसे १, असे नगरसेवकांचे संख्याबळ आहे.

শেয়ার করুন