मद्य, गुटख्यांची भाववाढ बनावट

चंद्रपूर - शासनाने कर वाढविल्याचे कारण पुढे करून दारू आणि तंबाखूजन्य पदार्थांची भरमसाट दराने विक्री केली जात आहे. सुधारित अध्यादेश येण्यापूर्वीच वाढीव करापेक्षा जादा दरवाढ केल्याने अनेकवेळा विक्रेते आणि ग्राहकांत वाद होऊ लागले आहेत. दरम्यान, या भाववाढीमुळे विक्रीवर मोठा परिणाम जाणवत आहे. नुकत्याच सादर झालेल्या राज्य अर्थसंकल्पामध्ये दारू आणि गुटख्यावर कर वाढविण्यात येणार असल्याची घोषणा अर्थमंत्र्यांनी केली. या करवाढीचा अध्यादेश दुकानदारांपर्यंत अद्याप पोचला नाही. मात्र, दरवाढीचे निमित्त साधून दुकानदारांनी भरमसाट दराने विक्री सुरू केली आहे. उत्पादन शुल्क विभागाचे या बेकायदेशीर दरवाढीकडे सोईस्कर दुर्लक्ष सुरू असल्याची चर्चा आहे. दरवाढीमुळे दारूविक्रीवर परिणाम झाला असून, शासनाचा महसूल बुडत आहे. अचानक भरमसाट दरवाढ झाल्याने काही ग्राहकांनी नेहमीचा ब्रॅंड बदलला आहे. काहींनी बिअरबारमध्ये बसून पिण्यापेक्षा दुकानातून पार्सल खरेदीवर भर दिला आहे. काही विदेशी ब्रॅंड पसंत करणारे जादा पैसे मोजण्यापेक्षा देशीदारूवर आपली तहान भागवत असल्याचे दिसून येत आहे. 80 ते 90 रुपयांना मिळणारी बिअर आता 130 ते 140 रुपये, 100 रुपयांना मिळणारी विस्की दारू 150 ते 160 रुपयांना विकली जात आहे. 12 रुपयांच्या पाण्याच्या बाटलीसाठीदेखील 18 रुपये मोजावे लागत आहेत. या सर्व बाटल्यांवरील उत्पादन किंमत कमी असतानादेखील जादा भाव घेतला जात आहे. पानटपरीही महागली बहुसंख्य पानटपऱ्यांवर कृत्रिम गुटखाटंचाई केली जात आहे. एक रुपयाला मिळणारी गुटख्याची पुडी आता पाच रुपयांना मिळत आहे. दीड-दोन रुपयांची पुडी आता पाच ते सहा रुपये, तर सहा रुपयांचा खर्रा आता सरळ दहा रुपये देऊन खरेदी करावा लागत आहे. 12 रुपयांचा गुटखा 35 ते 40 रुपये झाला आहे. या दरवाढीमुळे विक्रीवर मोठा परिणाम झाला आहे. गुटख्याच्या या बनावट दरवाढीमुळे काही नवीन कंपन्यांनी पोळी शेकून घेण्याचा प्रयत्न सुरू केला आहे. या कंपन्या कमी दर्जाचा गुटखा अत्यल्प किमतीत देऊन शौकिनांचा शौक भागवीत आहेत. अशा बनावट आणि कमी दर्जाच्या गुटख्यावर उत्पादन शुल्क, तारीख आणि एक्‍स्पायरी डेट नसते. त्यामुळे आजारदेखील होऊ शकतात. मुदतबाह्य दारूही विक्रीला दरवाढीच्या संकेतानुसार दारूविक्रेत्यांनी फेब्रुवारीमध्येच जास्तीचा साठा केला होता. दारूचा जुनाच साठा असल्याने छापील किंमत आणि उत्पादनाची तारीख नोव्हेंबर, डिसेंबर महिन्यातील आहे. दुसरीकडे मात्र दारूविक्रेते वाढीव दरवाढ अपेक्षित ग्राह्य धरून दारूची अधिक जादा दराने विक्री करीत आहेत. विशेष म्हणजे काही दुकानांत बिअरचा जुना माल असून, एक्‍स्पायरी डेट निघून गेली आहे.

संबंधित बातम्या प्रदूषणग्रस्त आठ उद्योगांची बॅंक गॅरंटी जप्त पोलिस अधीक्षकांनी मागितली माफी खापरखेड्याच्या विद्युत केंद्रातील ट्रान्सफॉर्मरला आग चंद्रपुरात रिमझिम पाऊस दुष्काळाच्या छायेत नाट्य"रंग' हरविले

प्रतिक्रिया On 02/05/2011 12:51 PM ANIL RATHOD said: daru gutakha nakore baba On 01/05/2011 09:19 AM Mukund said: हात जोडून कळकळीची विनंती ...... दारू , गुटखा , तंबाखू यांना चुकूनही हात लावू नका ...... अगदी फुकट मिळाले तरी ..............

শেয়ার করুন