गडचांदूर: निसर्गाच्या प्रकोपाने गडचांदुरला आज शनिवारी जोरदार हादरा दिला. अंबुजा सिमेंट कंपनीमध्ये काम करून आपल्या आयुष्याला आधार देवू पाहणार्या गरीबांचे संसार नियतीने आज चुटकीसरशी पायदळी तुडविले.तब्बल १३७ झोपड्यांना गिळून ही आग शमली असली तरी त्यानंतर सुरू झालेला गरीबांचा आक्रोश मात्र न थांबणारा आहे.
दुपारी ४वाजताच्या सुमारास लागलेल्या या आगीने अवघ्या काही वेळात सारी वस्ती आपल्या कवेत घेतली. आगीचा डोंब उसळला. नागरिक स्वत:चा जीव वाचवित मिळेल त्या वाटेने पळू लागले. महिला आपल्या चिल्यापिल्यांना घेवून घराबाहेर पडल्या. सुदैवाने या दुर्घटनेत प्राणहाणी झाली नसली तरी वित्तहाणी मात्र मोठय़ा प्रमाणावर झाली. एकीकडे वस्तीने पेट घेतला असताना घरातील सिलिंडर वाचविण्यासाठी काही लोक शर्तीचे प्रयत्न करीत होते. तर काही लोक याचा गैरफायदा घेत हातात मिळेल ती वस्तू घेवून पळत होते. या संपूर्ण वस्तीत मजूरांची वास्तव्य आहे. घाम गाळून मिळविलेला पैसा आणि त्यातून तयार केलेले सोन्याचे दागिने या आगीत भस्मसात झाले. आयुष्याची पुंजी नियतीने हिरावली. त्याचे दु:ख काळजात घेवून या वस्तीतील माणसे आता सैरभैर झाली आहे. जगायचे कसे, राहायचे कुठे या यक्ष प्रश्नाने सारेच हादरुन गेले आहे. आज दुपारपर्यंत जी वस्ती डौलात उभी होती. ती क्षणार्धात उद्ध्वस्त झाली. |
चंद्रपूर
बाजारातील फळ पिकविण्यासाठी व्यापार्यांतर्फे विषारी असलेल्या कॅल्शियम कार्बाईडसारख्या रासायनिक द्रव्याचा मोठय़ा प्रमाणात वापर होत आहे. सर्वसामान्य नागरिकांना याबाबत माहिती नसल्याने त्यांचे आरोग्य धोक्यात येत आहे. स्थानिक कृषी उत्पन्न बाजार समितीत हजारो क्विंटल आंबे रासायनिक द्रव्याचा वापर करून पिकविण्यात आले. ते बाजारात विक्रीसाठी आणल्याची माहिती अन्न व औषध प्रशासन विभागाला मिळताच धाड घालून दोन व्यापार्यांकडून ६ हजार किलो आंबे व कॅल्शियम कार्बाईडचे पॅकेट जप्त करण्यात आले. ही कारवाई आज गुरुवार (२९ मे)ला दुपारच्या सुमारास करण्यात आली. या कारवाईने स्थानिक व्यापार्यांमध्ये खळबळ उडाली आहे. सध्या उन्हाळय़ाचे दिवस सुरू असून चंद्रपुरात नवतपाचे चटके सहन करावे लागत आहे. दुसरीकडे रासायनिक द्रव्याचा वापर करून नागरिकांचे आरोग्य धोक्यात आणले जात आहे. स्थानिक व्यापार्यांकडून उन्हाळय़ात आंबा या फळाचे सर्वाधिक विक्री होते. या पार्श्वभूमीवर व्यापार्यांनी रासायनिक द्रव्याचा वापर करून आंबे पिकविण्याचा प्रकार सर्रास सुरु केला आहे. हे आंबे स्थानिक कृषी उत्पन्न बाजार समिती परिसरात पिकवून शहरातील बाजारपेठेत पुरवठा केला जात होता. याबाबतची माहिती अन्न व औषध प्रशासन विभाग तहसील कार्यालय व पोलिस प्रशासनाला मिळताच त्यांनी आज दुपारी कृषी उत्पन्न बाजार समिती परिसरातील शकील अहमद अब्दुल हमीद यांच्या शकील ग्रृप कंपनी नावाच्या दुकानात धाड टाकली. येथे जवळपास ३ हजार किलो आंबे कॅल्शियम कार्बाईडचा वापर करून पिकविण्यासाठी ठेवले होते. अधिकार्यांनी सर्व आंबे व आठ किलो कॅल्शियम कार्बाईडचे पॅकेट जप्त केले. याची किंमत जवळपास ४९ हजार ९७0 रु. आहे. यासोबतच याच परिसरातील अब्दुल मजिद अब्दुल अजित यांच्या दुकानावरही कारवाई करण्यात आली. ही कारवाई अन्न व औषध प्रशासन विभागाचे एस.पी. नंदनवार, जी.टी. सातकर, एम.पी. चहांदे, एस.बी. हजारे, विठ्ठल अंदनकर, पोलिस निरीक्षक खराबे, मंगेश काळे, अरुण मोते, दौलत चालखुरे, अविनाश तुराणकर यांनी केली. ल्ल |
चिमूर
येथील ग्रामीण रुग्णालयाचे वैद्यकीय अधीक्षक डॉ. नितीन उईके (३८) यांनी रुग्णालयात उपचाराकरिता आलेल्या एका महिलेकडून गर्भपात करण्यासाठी २ हजार रुपयांची लाच स्वीकारताना नागपूर लाचलुचपत प्रतिबंधक विभागाच्या पथकाने आज गुरुवारी रंगेहात पकडले. या कारवाईने वैद्यकीय क्षेत्रात खळबळ उडाली आहे. तालुक्यातील खंडाळा येथील एक महिला लहान मुल असतानाच पुन्हा गर्भवती राहिली. त्यामुळे तिला गर्भपात करण्याकरिता ग्रामीण रुग्णालय चिमूर येथे भरती करण्यात आले. तेव्हा येथील वैद्यकीय अधीक्षक डॉ. उईके यांनी २ हजार रुपयाची लाच मागीतली. ही बाब तिच्या पतीला न पटल्याने त्यांनी नागपूर येथील लाचलुचपत प्रतिबंधक विभागाकडे तक्रार दाखल केली. सदर तक्रारीच्या आधारे लाचलुचपत प्रतिबंधक विभागाचे पोलिस निरीक्षक अशोक साखरकर, प्रताप इंगळे, पोलिस काँस्टेबल विलास खनके, संतोष पुंडकर, अजय यादव, उत्तम दास यांच्या पथकाने आज गुरुवार (२९ मे)ला सकाळपासूनच ग्रामीण रुग्णालयात सापळा रचला. दरम्यान वैद्यकीय अधीक्षक डॉ. उईके यांनी पीडित महिलेच्या पतीकडून गर्भपात करण्याकरिता २ हजार रुपयांची लाच घेताना रंगेहाथ पकडले. या प्रकरणी पोलिस स्टेशन चिमूर येथे लाचलुचपत अधिनियम प्रतिबंधक कायद्यान्वये कलम ७, १३ (१) नुसार गुन्हा दाखल करण्यात आला असून आरोपी डॉ. नितीन उईके यांना अटक करण्यात आली आहे. यापूर्वी चिमूर शहरात स्त्रीभृणहत्या प्रकरणी एका खासगी डॉक्टरांचे रुग्णालय सिल करण्यात आले होते. त्यांच्या दवाखान्यातून आक्षेपार्ह साहित्य जप्त करण्यात आले होते. या घटनेचा सहा-सात महिन्यांचा कालावधी लोटला असताना पुन्हा ग्रामीण रुग्णालयात हा प्रकार घडल्याने वैद्यकीय क्षेत्रात खळबळ उडाली आहे. |
चंद्रपूर
| ||
चंद्रपूर महाऔष्णिक विद्युत केंद्रातील सहाव्या संचात कोल कन्व्हेअर बेल्टला आग लागली. या आगीने सुमारे ६ लाखांची हानी झाल्याचा प्राथमिक अंदाज वर्तविण्यात येत आहे. आगीमुळे औष्ण्कि केंद्रातील संच क्रमांक ५ व ६ मधील उत्पादन ठप्प झाले आहे.
चंद्रपूर वीज केंद्रात आज गुरुवारी दुपारी २ वाजता सहाव्या संचातील बंकरपर्यंत वाहून नेणार्या कोल कन्व्हेअर बेल्टला अचानक आग लागली. मात्र, वीज केंद्रातील फायरिंग लाईननेच ही आग आटोक्यात आणण्यात आली. अध्र्या तासात पूर्णपणे नियंत्रणात आलेल्या या आगीत १00 मीटरचा बेल्ट पूर्णपणे जळून खाक झाला. अभियंते, तज्ज्ञांच्या तत्परतेने मात्र मोठी हानी टळली. ही आग अती उष्णतेमुळे लागल्याचा कयास बांधला जात आहे. जळलेला कन्व्हेअर बेल्टची दुरुस्ती येत्या दोन दिवसात पूर्ण होईल, असा अंदाज सूत्रांनी व्यक्त केला. या आगीने सुमारे ६ लाखांची हानी झाली असून, वीज निर्मितीत घट झाली आहे. आगीमुळे सर्वत्र धूर दिसून येत होता. दोन दिवसांपूर्वी ५00 मेगावॅट क्षमतेचे युनिट नंबर ५ सुरू झाले होते. जवळपास वीस दिवसापूर्वी युनिट नंबर ३ च्या टरबाईनमध्ये आग लागल्याने हे युनिट बंद ठेवण्यात आले.चालू आठवड्यात सर्व युनिट सुरळीत सुरू होत असतानाच आज पुन्हा आग लागल्याने दोन संच बंद पडून उत्पादनात घट झाली आहे. ल्ल |
ब्रम्हपुरी - तालुक्यातील पाचगांव येथील दोन बियर बार बंद करण्याचा ठराव महिला ग्रामसभेत एकमताने पारीत झाल्यानंतर जिल्हाधिकारी यांचे आदेशानुसार दुकानांना सिल ठोकुन बंद करण्यात आले.ब्रम्हपुरी तालुक्यातील पाचगांव छोटयाशा गावात प्रथमेश व विनायका हे दोन बियर बार आरमोरी येथील दिलीप जेठमल मोटवानी व प्रशांत मनोहर मोटवानी यांचे मालकीची होती. या बारमुळे गावातील अनेक संसार दध्वस्त झाले, अनेक युवक दारूच्या व्यसनी लागले, महीलांच्या छेडखानीचे प्रकार वाढले, ब्रम्हपुरी ते गडचिरोली हा महामार्ग असल्यामुळे अपघाताचे प्रमाण वाढले असे असतांनाही मोटवानी यांनी नविन देशी दारू दुकान सुरू करण्याकरीता हालचाली सुरू केल्या. काही महीण्यापुर्वी महीलांनीच ग्रामसभेत नविन देशी दारू दुकानास परवानगी नाकारली व राष्ट्रसंत तुकडोजी महाराज दारूमुक्ती अभियानाचे माध्यमातुन दोन्ही दारू दुकान बंद करण्याची मागणी जिल्हाधिकारी व राज्य उत्पादन शुल्क यांचेकडे केली. या मागणीकरीता श्रमिक एल्गारच्या अॅड. पारोमिता गोस्वामी व येथील सरपंच अरूण तिवाडे यांनी पाठपुरावा सुरू ठेवला त्यानुसार त्यानुसार संवर्ग विकास अधिकारी सानप यांचे अध्यक्षतेखाली 17 मे 2014 ला ग्रामपंचायतीचे आवारात महीला ग्रामसभा घेण्यात आली. ग्रामसभेत एकुण 145 महिला मतदारापैकी 104 महिलांनी 145 विरूध्द शुन्य मतांनी दारूबंदीचे बाजुन कौल दिला. यामुळे एकमताने दारूबंदीचा ठराव पारीत केला. ठराव पारीत झाल्यानंतरही महिला थांबल्या नाही व जिल्हाधिकारी यांना आदेश भेटुन आदेश काढण्याची मागणी केली. जिल्हाधिकारी म्हैसेकर यांनी आदेश काढुन प्रथमेश व विनायका या दोन्ही बारला सिल ठोकले.
